Pablo Texón
Pablo Texón | |
|---|---|
 | |
| Vida | |
| Nacimientu | Felechosa, 1977[1] (46/47 años) |
| Nacionalidá |
 España |
| Estudios | |
| Llingües falaes |
castellanu asturianu |
| Oficiu | escritor |
 | |
Pablo Texón Castañón (1977, Felechosa) ye un escritor n'asturianu, llicenciáu en Filoloxía Española, especialista en Filoloxía Asturiana y profesor d'Asturianu y de Llingua Castellana y Lliteratura. En 2018, el so poemariu Allumamientu foi gallardonáu col Premiu Xuan María Acebal y sería editáu por Ediciones Trabe nel añu 2019. Lo mesmo ocurriría con Cantar de ti mesma, nel 2021[2], que sería publicáu pola mesma editorial un añu más sero[3].
Obra[editar | editar la fonte]
Aparte de dellos testos espardíos en distintes publicaciones (La Nueva España, El Comercio, Eventual, Lliteratura, Les Noticies, Elsúmmum, etc.) espublizó'l poemariu Toles siendes (Premiu Nené Losada Rico), en Trabe nel 2005, el volume de narrativa Catedral (Ámbitu, 2006) y ta pa salir el poemaiu La culpa y la lluz, ganador del Premiu Teodoro Cuesta de Poesía. Apaez nes antoloxíes Escritores en Llanes y Versos Diversos.
Nel añu 2011 asoleya'l llibru L'alma robada, editáu por Publicaciones Ámbitu, catorce testos en prosa poética basaos n'otres tantes semeyes de los fotógrafos Pablo Lorenzana y Mario Rojas.
Como traductor, encargóse de l'adaptación de Xulia (Ámbitu, 2006), que foi representada pola compañía de teatru Margen. Igualmente sería l'encargáu de tornar una escoyeta de poesíes del autor d'Estaos Xuníos Raymond Carver[4]
Ta encuadráu dientro de la "Tercer Xeneración" del Surdimientu y ganó, amás de los yá mentaos, dellos premios: Fernández Lema, El Garrapiellu, Los Bilordios de Pinón, Bimenes, etc. Nel añu 2018 algamó'l Premiu Xuan María Acebal de poesía[5]
Tien asoleyaos los llibros que vienen darréu[6]:
- Toles siendes (Premiu Nené Losada Rico) 2005
- Catedral 2006
- La culpa y la lluz (ganador del Premiu Teodoro Cuesta) 2007
- Singuralidá 2011
- L'alma robada 2011 con semeyes de los fotógrafos Pablo Lorenzana y Mario Rojas.
- Media Vida. Poemes y Cantares. Ediciones Saltadera, 2017
- Allumamientu. Ediciones Trabe, 2019 (Premiu Xuan María Acebal, 2018)
- Cantar de ti mesma. Ediciones Trabe, 2022 (Premiu Xuan María Acebal, 2021)
Ente los trabayos de traducción:
- Xulia 2007, d'August Strindberg, pa Teatro Margen
- Un corte de pelo 2013, seleición poética de Raymond Carver
Referencies[editar | editar la fonte]
- ↑ «rexistru d'autoridaes BNE». Consultáu'l 16 xunu 2020.
- ↑ Texón repite 3 años depués como ganador del Premiu Xuan María Acebal de poesía asturies.com Consultao'l 11.11.2022
- ↑ Pablo Texón publica 'Cantar de ti mesma', poemariu ganador del Xuan María Acebal La Nueva España, consultao'l 11.11.2022
- ↑ Texón torna al asturianu una escoyeta de poesíes del estauxunidense Raymond Carver Asturies.com. Consultao'l 04.03.2013
- ↑ Pablo Texón lleva’l XXIV Premiu Xuan María Acebal de Poesía elsummun.es Consultao'l 19.11.2018
- ↑ [1] saltadera.com Consultao'l 15.11.2017
Datos: Q15966549