Necora puber

De Uiquipedia
Saltar a: navegación, buscar
Uiquipedia:Wikipedia:Llista d'artículos que toa Wikipedia tien que tener/Archivu
Andarica
Necora puber.jpg
Necora puber
Estáu de conservación
Status iucn3.1 LC.svg
Preocupación menor.
Clasificación científica
Dominiu: Eukaryota
Reinu: Animalia
Filu: Arthropoda
Subfilu: Crustacea
Clas: Malacostraca
Orde: Decapoda
Suborde: Pleocyemata
Infraorde: Brachyura
Familia: Portunidae
Xéneru: Necora
Especie: N. puber
Nome binomial
Necora puber
Linnaeus, 1767
Sinonimia
Liocarcinus puber
Macropipus puber
Portunus puber

L'Andarica o Piaña (nome científicu: Necora puber o Liocarcinus puber) ye un crustaceu de la orde de los Decapoda (diez pates), que tien la forma d'un cámbaru grande.

Tien una concha hexagonal de color pardo, y dos güeyos de color encarnao. Tien cinco pares de pates y dos pinces. Davezu fai vida nocherniega, vive cerca de la costa ente les roques en calumes non mayores de 50 metros au s'alimenta d'ocle y pexes muertos. A vegaes llega a tarmiar otres andariques. El so tamañu aproximáu ye de 10 cm.

Captura[editar | editar la fonte]

La época de veda n'Asturies ye xeneralmente ente'l 15 de xineru y el 15 de marzu y tien una talla mínima de 5,5 cm. La captura d'andariques dende embarcación faise col arte de nansa, mientres que nel pedreru pésquense a mano o con terrafinos.

La estadística oficial de la pesca de l'andarica n'Asturies ye la que vien darréu (fonte: Dirección Xeneral de Pesca Marítima[1]:

Estadística de la pesca d'andariques
Añu Pesu Importe Preciu Mediu
2010 10.496,36 Kg 132.043,66 € 12,58 €/Kg
2011 11.105,34 Kg 135.303,89 € 12,18 €/Kg
2012 7.569,35 Kg 93.5089,55 € 12,35 €/Kg
2013 5.794,65 Kg 70.641,21 € 12,19 €/Kg


Usos[editar | editar la fonte]

El principal usu de l'andarica ye gastronómicu, suel cocinase namái cocida nes estayes de costa nel Mar Cantábricu: Galicia, Asturies, Cantabria, País Vascu, asina como na fastera occidental de Francia ya Inglaterra.

Referencies[editar | editar la fonte]