México D.F.
De Uiquipedia
La ciudá de México ye’l Distritu Federal, capital de México (Estaos Xuníos Mexicanos) y sede de los poderes federales de la Xunión de la que constituyi una de les sos 32 entidaes federatives. La ciudá de México ye'l centru políticu y económicu del país y ye, al mesmu tiempu, la segunda metrópoli más grande del mundiu, sólo dempués de Tokio, (Xapón). El Distritu Federal da-y una quinta parte del PIB Nacional de México.
Enllena una décima parte del Valle de México nel centru-sur del país, nun territoriu que formó parte de la cuenca lacustre del llagu de Texcoco. México, D.F., ye la ciudá más rica y poblada del país, con más d'ocho millones d'habitantes nel 2005, y asítiase nel segundu llugar como entidá federativa, dempués del estáu de México.
Nel so xorrecimientu demográficu, la ciudá de México foi inxertando a numberosos poblaos que s'atopaben nes cercaníes. A mediaos del sieglu XX, la so área metropolitana ta fuera de les llendes del Distritu Federal, y estiéndese sobre 40 conceyos del estáu de México y un conceyu del estáu d'Hidalgo, según la última definición oficial de 2003 los gobiernos llocales, estatales y federal sobre la Zona Metropolitana de la Ciudá de México (ZMCM). La ZMCM taba habitada nel 2005 por 19.331.365 persones, cuasi el 20 per cientu de la población total del país. D'alcuerdu coles proyeiciones del Conseyu Nacional de Población (Conapo), pal 1.º de xunetu del 2007 creyíase una población de 8.193.899 habitantes pa la ciudá, y de 19.704.125 habitantes pa tola la Zona Metropolitana.
L'Área Metropolitana de la Ciudá de México asitiase nel octavu llugar de les ciudaes más riques del mundiu al tener un PIB de 315.000 millones de dólares que se duplicará pal 2020, asitiándola nel séptimu llugar sólo dempués de Tokio, Nueva York, Chicago, Los Ángeles, Londres y París.
