Kaliningráu

De Uiquipedia
Saltar a: navegación, buscar
Bandera de la ciudá de Kaliningráu.
Escudu de Kaliningráu.
Oblast de Kaliningráu.
Mapa de la Prusia Oriental.

Kaliningráu (en rusu: Калининград, n'honor de Mikhaïl Kalinin nome orixinal alemán: Königsberg) ye la capital de la provincia de Kaliningráu, un enclave rusu asitiáu ente Polonia y Lituania y ubicáu na mar Bálticu . Hestoricamente tamién conociose por dellos otros nomes: en polacu Królewiec, en lituán Karaliaučius y en llatín Regiomontium. Kaliningráu foi fundada nel 1255 polos caballeros de la Orde Teutónica y el rei de Bohemia Ottokar II sobro l'emplazamientu d'un asentamientu de los antiguos prusianos nomáu Tvanksta nel llugar dende'l 300 aC, col nome de Königsberg. El nome quier dicir monte'l rei n'alemán, n'honor d'Ottokar II. Vien ceu tresformarese na ciudá más importante de Prusia: de fechu, foi la capital de l'antigua provincia xermánica de la Prusia Oriental hasta la caida de la ciudá en manes soviétiques nel 1945.

Nel 1736, Leonhard Euler algamó resolver un famosu problema de matemátiques rellacionáu coles siete pontes de Königsberg. El filósofu Immanuel Kant ñació y vivió nesta ciudá.

Nel 1945 la ciudá y la provincia foi conquistada y colonizada pola Xunión Soviética. La población alemaña foi espulsada nun ésodu masivu y forzosu qu'afeutó a los cerca de 300.000 persones qu'hasta entoncies habitaben la ciudá.

Según el censu de 2002, la población de la ciudá ye de 430.003. La so composición étbica ye de 77.9% rusos, 8.0% bielorrusos, 7.3% ucranianos, 1.9% lituanos, 0.6% alemanes, y 0.5% polacos.

La provincia o oblast rusa de Kaliningráu tien una superficie total de 15.100 km2. La so población ye de 955.281 habitantes d'orixe rusu, aportaos depués de la espulisión de la población nativo nel 1945. La rexón llenda'l norte y este con Lituania, al sur con Polonia y al oeste cola mar Báltica. Kalinigráu ye l'únicu puertu rusu del bálticu que nun ta xeláu en tou l'hibiernu lo que-y otorga una posición estratéxica perimportante.