Sydney

De Uiquipedia
Saltar a: navegación, buscar
Montage of Sydney1.jpg

Sydney (pronunciáu: sidni) ye la ciudá más grande y poblada d'Australia, con una población na so área metropolitana cercana a los 4.034.000 d'habitantes (envaloraos en 2008). Ye la capital del estáu de Nueva Gales del Sur y foi l'asentamientu de la primer colonia británica n'Australia. Foi fundada en 1788 por Arthur Phillip, almirante de la Primer Flota de Gran Bretaña, y ye la ciudá más antigua del país.

Ta asitiada al sudeste d'Australia, a veres de l'amplia Badea de Jackson. Na ciudá destaca la Ópera de Sydney, la ponte del puertu de Sydney y les sos sableres. La área metropolitana ta arrodiada de parques nacionales que contienen badees y ríos. La ciudá acoyó eventos internacionales deportivos como los Xuegos de la Mancomunidá de 1938, los Xuegos Olímpicos de Sydney 2000 y la final de la Copa Mundial de Rugby de 2003, ente otros. L'aeropuertu principal que sirve a Sydney ye l'Aeropuertu Internacional Kingsford Smith (comunmente conocíu como l'Aeropuertu de Sydney).

Sydney ye una de les ciudaes más multiculturales del mundu, y refléxase nel so rol de principal destín pa inmigrantes d'Australia. Acordies con un estudiu de la consultora "Mercer" sobre'l costo de vida, Sydney resultó ser la urbe más cara d'Australia y la 15ª a nivel mundial. Sydney tamién lidera'l top 10 de les ciudaes con meyor calidá de vida del mundu, n'otru estudiu realizáu pola mesma empresa xuntu col periódicu inglés "The Economist".

Referencies[editar | editar la fonte]