Karl Liebknecht

De Uiquipedia
Saltar a: navegación, buscar
Karl Liebknecht.

Karl Liebknecht (n. Leipzig (Alemaña), 13 d'agostu de 1871- † 15 de xineru de 1919), políticu y dirixente socialista alemán.

Revolucionariu marxista alemán, fíu del políticu revolucionariu Wilhem Liebknecht, ún de los fundadores del Partíu Socialdemócrata Alemán (SPD). Creció na miseria y, por mor del encarcelamientu de so padre, nun pudo recibir formación académica. Ensin embargo, dedicóse a estudiar pola so cuenta, magar que foi'l partíu'l que-y pagó los sos estudios universitarios de derechu y economía. Liebknecht participó nel movimientu socialista dende la so mocedá.

Depués de facer el serviciu militar, entamó la so carrera d'abogáu en Westfalia. Fízose famosu al intentar defender a un grupu de campesinos que fueren acusaos d'intentar implantar el comunismu en tierres alemanes. Miembru activu del SPD, en 1907 funda en Stuttgart la "Unión Internacional de Organizaciones Socialistes Xuveniles". Nesi mesmu añu, depués d'escribir el llibru "Militarismu y anti-militarismu" en contra del militarismu alemán, foiencarceláu. En 1908, durante'l so encarcelamientu, algama un escañu na Cámara de Diputaos de Prusia. En 1912 foi elexíu miembru del Reichstag.

Demientres que la mayoría los sos collacios de partíu votaben los créditos de guerra nel Reichstag, n'avientu de 1914, vendiendo dafechu tou principiu internacionalista, Karl Liebknecht opúsose a ello. Foi coherente coles sos idegues, manteniendo una postura internacionalista a favor de tresformar la guerra mundial en guerra civil del proletariau escontra la burguesía en cada país, tal como establecía el Manifiestu de Basilea de la II Internacional.

Foi xunto con Rosa Luxemburgo fundador de la Lliga Espartaquista y del Partíu Comunista Alemán. Xunto cola so compañera, foi deteníu y asesináu poles tropes de la contrarrevolución na "semana sangrienta" en Berlín, en xineru de 1919.