Lliga espartaquista

De Uiquipedia
Saltar a: navegación, buscar

La Lliga espartaquista ( Spartakusbund n'alemán) foi un movimientu revolucionariu creáu en 1915 n'Alemaña por Rosa Luxemburg y Karl Liebknecht.

La lliga espartaquista trató de llevar a cabu una revolución asemeyada a la de los bolxeviques en Rusia, faciendo circular publicaciones subversives y illegales como'l periódicu Spartakusbriefe ( "Les cartes d'Espartacu" ).

N'avientu de 1918, la lliga entra nel Comintern y toma 'l nome de Partíu Comunista Alemán ( Kommunistische Partei DeutschlandsKPD ).

En xineru de 1919 los espartaquistes suleváronse contra'l gobiernu de Berlín. El canciller Friedich Ebert, cola ayuda del exércitu y de los Freikorps reprimió darréu la insurreición.

Nes selmanes que siguieron el sulevamientu, cientos d'espartaquistes, ente otros Luxemburg y Liebknecht morrieron asesinaos.

El KPD dixebrose durante la Revolución, dando llugar al nacimientu del KAPD (Partíu de los Obreros Comunistes d'Alemania), primer partíu de tendencia conceyista. El KAPD lluchaba por una República de los Conceyos Obreros, y ente los sos miembros destacaben veteranos militantes marxistes comu Pannekoek o Gorter. A pesar de la so postura percrítica pa col llabor de los comunistes rusos, el KAPD trabayó nun primer momentu dientro la III Internacional (Komintern), y llegó a collaborar col movimientu insurreccional desendolcáu pol KPD en marzu de 1921.