Rosa Luxemburg

De Uiquipedia
Saltar a: navegación, buscar
Wikipedia:Llista d'artículos que toa Wikipedia tien que tener
Rosa Luxemburg.

Rosa Luxemburg (5 de marzu de 1870, Zamosc, Rutenia - 15 de xineru de 1919, Berlín) foi una revolucionaria y teórica del socialismu alemán, d'orixe xudíu polacu. Fiya d'un comerciante de Varsovia.

La so militancia política obligola a esiliase dende los 18 años en Suiza, u terminó los estudios de Derechu, auniéndose al Partíu Socialdemócrata Polacu. Enemiga del nacionalismu, en 1898 treslladóse a Alemaña, ingresando nel SPD. Asociada con Kautsky, defendió la «ortodoxia» marxista frente al «revisionismu» de Bernstein y fizo aportaciones teóriques orixinales sobre l'imperialismu y el esborru del capitalismu, (L'acumulación del capital, 1913). Pasó a dirixir l'ala izquierda del partíu, cuando los socialistes almitieron los métodos parllamentarios. Criticó a Lenin pola so visión del Partíu como vaguardia de la revolución, formada por profesionales y con una estructura centralista. Con Karl Liebknecht dirixió les protestes escontra la Primera Guerra Mundial (1914-1918) y l'apoyu del SPD a la guerra. Detenida en 1915, continuó escribiendo dende la cárcel. Punxo les bases teóriques pa la escisión de la Lliga espartaquista (1918), tresformada un añu más tarde en Partíu Comunista Alemán (KPD), ún de los primeros partíos obreros en sofitar la III Internacional creada polos bolcheviques rusos. En llibertá tres la revolución de 1918 que convirtió al país nuna República, en xineru de 1919, aunióse a la Revolución espartaquista, de la que nun taba d'alcuerdu, pero siguió a Liebknecht pa nun romper la unidá de la organización. Tres la fin de la sulevación, foi detenida y asesinada xunto col so compañeru Liebknecht, alcontrándose díes más tarde el so cadabre n'una canal.

Enlaces externos[editar | editar la fonte]