Antimilitarismu

De Uiquipedia
Saltar a: navegación, buscar
Manifestación en Londres nel 2005 escontra la guerra d'Iraq

L'antimilitarismu ye la ideoloxía que s'opón a toa forma de fuercies armaes y otres formes d'exerciciu de violencia por parte l'estáu, considerándoles como instrumentos d'opresión, y principalmente escontra l'exércitu, al tar a la escontra de la xenofobia, sexismu, homofobia, xerarquización y sumisión qu'argumenten alcontrar ellí, pretendiendo camudar lo que consideren sistemes de dominación, opresión y dependencia con cadarmes sofitaes na participación horizontal, sofitu mutuu y diálogu ente les persones y sociedaes, considerando que d'otru mou ye imposible algamar una paz duradera.

Ye una ideoloxía qu'en munchos aspeutos comparte opiniones col anarquismu, y n'especial col anarcopacifismu, anque non necesariamente un antimilitarista ha ser anarquista.

Estremancia ente Pacifismu y Antimilitarismu[editar | editar la fonte]

El pacifismu ta hestóricamente venceyáu a la fé n'idegues trescendentes, como Dios o la humanidá, a estremancia del antimilitarismu, mayoritariamente atéu, que parte d'un analís y critica a les fuercies armaes como institución del estáu usada pa reprimir, y llegando a criticar el conceutu de patria y nación, al considerar que son elementos que segreguen al home en fonción de llendes polítiques.

Si bien munchos antimilitaristes son non-violentos, esisten antimilitaristes que namái refuguen la violencia institucionalizada, anque non refuguen l'autodefensa, ya inclusu non refuguen exercer violencia escontra l'estáu con fines revolucionarios.

Ver tamién[editar | editar la fonte]

Enllaces esternos[editar | editar la fonte]

  • Insumissia, isla virtual de desobediencia, noviolencia y construcción de la Paz