Horru

De Uiquipedia
Saltar a: navegación, buscar

L'horru o horriu ye una construcción tradicional asturiana que d'antañu emplégase como graneru pa guardar la collecha. Nun se ye a entender la casería asturiana o el paisaxe asturianu ensin l'horru, alcontrándose miles dellos esparcíos per tola xeografía asturiana.

Horru en Deva

El cuerpu principal de forma cúbica, fechu delles maderes especialmente selecionaes según les sos carauterístiques, entaramíngase enriba cuatro columnes de piedra (los pegollos) que lu aisllen del suelu, la humedanza y los roedores. Na so construcción empléguense materiales propios de cada zona.

Delles partes más importantes del horru son: Los pilpayos, los pegollos, les mueles, les colondres, los lliños y el teyáu.

Horru en Riaño, Llión

Les sos colondres (muries feches de tables de madera enxeraes nunes otres) yeren antañu decoraes con motivos de dibuxos y talles xeométriques de diseñu tradicional.

Tamién hai horros en Galicia , Portugal , Noruega y Suecia.

Horros asturianos[editar | editar la fonte]

Según el su estilu decorativu xebrense tres escueles: estilu Villaviciosa, estilu Carreño y estilu Allande. Anguaño guárdense algunos diseños y horrios d'altu valor etnográficu.

Estilu decorativu[editar | editar la fonte]

  • Estilu Villaviciosa: la mayor concentración preséntase nos conceyos de Colunga, Cabranes y Piloña, col focu principal en Villaviciosa. Esti estilu correspuende a los horros más antiguos conservaos. A la hora de decorar los sos horros, los carpinteros taríen influenciaos polo que víen nes sos illesies, colo que parez surdir un sutil parentescu ente les decoraciones romániques y l'estilu Villaviciosa. La madera pue tar tallao o pintao, los pintaos presenten diseños xeométricos basaos en collores planos (roxu, azul o blancu). Les carauterístiques más representatives del estilu se refiérense a la decoración de los lliños.
  • Estilu Carreño: constutúilu grandes paneres na zona costera del centru d'Asturies, nel que les sos fachaes tán cobiertes por una guapa talla de florones, xarres y formes xeométriques pintaes e collores vives. L'adornu procura enllenar tol espaciu disponible y amuesa cierta influyencia de les talles barroques. Ello quiciabes seya debío a que delles paneres meyor decoraes pudieron ser construyíes polos mesmos tallistes que llabraron pequeños retablos rurales.
  • Estilu Allande: esti estilu afáyase nel occidente interior d'Asturies. La decoración básase en motivos independientes alcontrándose estos principalmente nos llaterales de la puerta. Los motivos representaos son los habituales nel maxín popular, con fuertes raigaños simbólicos o máxico-relixoses. Predominen les figures xeométriques tarabazaes con regla y compás: tetrasqueles, rosetes radiales o entrellazaos, toos ellos tradicionales.


Nel occidente asturiano encontrase tamien el horreo galego que en la occidental llamase cabazo.

En delles ocasiones tamién pue tener seis u ocho pegollos. Entós, nun se-y llama horru sinón panera.

Ver tamién[editar | editar la fonte]

Enllaces esternos[editar | editar la fonte]

Horros
Wikimedia Commons tien archivos rellacionaos con: