Edgar Rice Burroughs

De Uiquipedia
Saltar a: navegación, buscar
Edgar Rice Burroughs

Edgar Rice Burroughs (Chicago; 1 de setiembre de 1875 - Encino, California; 19 de marzu de 1950) foi un escritor de xéneru fantásticu qu'algamó sonadía poles sos series d'histories de Barsoom (ambientaes nel planeta Marte), de Pellucidar (que tienen llugar nel centru de la Tierra) y, n'especial, pola creación del mundialmente famosu personaxe de Tarzán.

Biografía[editar | editar la fonte]

Burroughs vivió munchos años nel suburbiu d'Oak Park, d’Illinois, yera fíu d'un home de negocios. Asistió a la Harvard School de Chicago onde entró en contactu col mundu clásicu de Grecia y Roma. Tres del so pasu pola escuela marchó a vivir al ranchu del so hermanu onde trabayó dos años de vaqueru. Depués ingresó na Philips Academy d'onde lu expulsarían por perezosu. Tres un períodu d'entrenamientu na Academia Militar de Michigan, entró a formar parte del Séptimu de Caballería de los Estaos Uníos y llegó a lluchar contra los apaches n'Arizona pero pronto lu licenciaron al descubrir la so minoría de edá, lo que lu llevó a volver a Chicago y dedicase a una riestra de trabayos diversos non mui bien pagaos tanto allí como n'Idaho.

En 1912, a los 36 años d'edá y baxo'l nomatu de Normal Bean que apaeció impresu como Norman Bean, asoleyó'l so primer rellatu, Under the Moons of Mars na revista All-Story Weekly, obra pola que cobró 400 dólares. N’ochobre d’esi mismu añu, esta vez col so nome real, publicó Tarzan of the Apes qu'en 1914 asoleyaríase en formatu de llibru.

En 1923 Burroughs creó la so propia compañía, Edgar Rice Burroughs, Inc., y entamó a emprentar los sos propios llibros hasta los años 30. Divorcióse d'Emma, la so primera muyer, en 1934, y casóse cola antigua actriz Florence Gilbert en 1935, ex-muyer del so amigu, Ashton Dearholt, adoptando dos neños. Divorciáronse en 1942.

Nel tiempu del ataque de Pearl Harbor vivía en Hawai y, durante la Segunda Guerra Mundial fízose corresponsal de guerra pa Los Angeles Times a pesar de contar con 66 años de edá, siguiendo'l conflictu nel área del Pacíficu Sur.

Morrió n’Encino (California), el 19 de marzu de 1950, depués d’escribir casi setenta noveles.

El cráter Burroughs de la superficie de Marte foi bautizáu asina n'honor del creador de Tarzán.

Seleición Bibliográfica[editar | editar la fonte]

Serie de Barsoom[editar | editar la fonte]

Series de Tarzán[editar | editar la fonte]

Serie de Pellucidar[editar | editar la fonte]