Marte (planeta)

De Uiquipedia
Saltar a: navegación, buscar
Uiquipedia:Wikipedia:Llista d'artículos que toa Wikipedia tien que tener/Archivu
Marte.

Marte ye'l cuartu planeta del sistema solar, y el terceru más pequeñu depués de Plutón y Mercuriu. Forma parte de los planetes telúricos (de naturaleza rocosa como la Tierra) y tien dos satélites naturales, Deimos y Fobos.

El so color arroxáu, debíu a la presencia d' óxidu de fierro nos minerales de la superficie, fascinó a toles civilizaciones, y tovía güei suel conocese col nomatu de planeta coloráu.

Los romanos, como antes d'ellos los griegos, asociáronlu al dios de la guerra, Marte, pensando nel sangre de los campos de batalla. El so símbolu astronómicu, Mars symbol.ant.png, ye una representación estilizada del escudu y la llanza d'esti dios.

Los exipcianos daben-y el nome d'Hor-dexer (Horus coloráu), y los babilonios el de Nirgal (estrella de la muerte).

En China, Xapón, Corea y Vietnam llamen-y la estrella de fueu (火星)

Tien forma lixeramente elipsoidal, con un diámetru ecuatorial de 6.794 km y unu polar de 6.750 km. Medíes micrométriques bien precises dieron un achatamientu de 0,01, tres veces mayor que'l de la Tierra. Por mor d'esti achatamientu, la exa de rotación ta afectada por una lenta precesión debida a la atracción del Sol sobre l'abultamientu ecuatorial del planeta; pero la precesión llunar, que nel nuestru planeta ye dos veces mayor que la solar, nun tien el so equivalente en Marte.

Esti planeta alimentó durante munchu tiempu la imaxinación popular cola creyencia d'una posible vida estraterrestre nesti planeta. La idea vien de les observaciones realizaes a finales del sieglu XIX pol astrónomu aficionáu Percival Lowell. Según elles , la superficie de Marte taba cubierta de canales y que delles rexones cambiaben de tonalidá en delles époques del añu. Percival Lowell concluyó que vivía n'élli una civilización antigua que lluchaba por nun morrer de sede y que la variación de colores debíase a los cambios de vexetación según les estaciones del añu.

Anguaño sábese que lo que Lowell tomaba por canales yeren en realidá deformaciones provocaes polos defectos de les lentes de la época. Los cambios de color atribúyense a tormentes de povisa. Sicasí, los autores de ciencia ficción esplotaron demientres munchu tiempu'l filón de los marcianos, representaos como seres d'aspectu vagamente humanu y color verde o buxu en dellos casos.


Sistema Solar
Solar System XXVII.png
Estrella: Sol
Planetes: Mercuriu | Venus | Tierra | Marte | Xúpiter | Saturnu | Uranu | Neptunu
Planetes nanos: Ceres | Plutón | Eris
Oxetos menores: Asteroides | Centauros | Oxetos tresneptunianos | Cometes | Meteoroides
Otros: Lluna | Io | Europa | Ganimedes | Calistu | Titán | Tritón | Cinturón de Kuiper | Nube d'Oort | Fobos | Deimos | Satélites de Xúpiter | Satélites de Saturnu | Satélites d'Uranu | Satélites de Neptunu | Caronte