Tarzan of the Apes

De Uiquipedia
Saltar a: navegación, buscar
Portada de la primer edición

Tarzan of the Apes (Tarzán de los monos) ye una novela escrita por Edgar Rice Burroughs, la primera d'una riestra de llibros sobre'l personaxe que de Tarzán. Foi primeramente asoleyáu nel pulp magazine All-Story Magazine n'ochobre de 1912; la primer edición en llibru foi publicada en 1914. El personaxe foi tan popular que Burroughs continuó la serie a lo llargo de los años cuarenta con dos docenes de secueles.


Argumentu[editar | editar la fonte]

La novela cuenta la historia de John Clayton, fíu de Lord Greystoke John Clayton, y Alice Rutherford, una pareya d'ingleses abandonaos na selva de la costa occidental d'África Ecuatorial. El neñu foi adoptáu pola mona Kala depués de que morrieren so padre y so madre(asesinaos pol xabaz rei de los monos Kerchak), Clayton ye llamáu "Tarzán" ("Piel Blanca" na llingua de los Mangani) y criáu na inoracia de la so herencia humana.

Adaptaciones cinematográfiques[editar | editar la fonte]

La novela de Burroughs foi la base de varies películes. Les dos primeres fueron mudes has Tarzan of the Apes (1918) y The Romance of Tarzan (1918), les dos protagonizaes por Elmo Lincoln como Tarzán, sofitaes na primera y segunda parte de la novela, respeutivamente. La siguiente y más famosa adaptación foi Tarzan the Ape Man (1932), que protagonizara Johnny Weissmuller, que protagonizó otres once películes de Tarzán. Clayton foi sustituidu por Harry Holt. Ficiéronse otres dos películes, Tarzan, the Ape Man (1959), cola actuación de Denny Miller, y Tarzan, the Ape Man (1981), con Miles O'Keeffe como Tarzan y Bo Derek como Jane. Tres adaptaciones más fueron feches hasta'l momentu; Greystoke - The Legend of Tarzan, Lord of the Apes (1984), una película protagonizada por Christopher Lambert que ye más fiel al llibru, Tarzan of the Apes (1999), una película de dibuxos animaos fecha direutamente pa vidio, y Tarzan (1999), una película animada de Disney Tony Goldwyn poniendo voz a Tarzán na versión orixinal.

Delles noveles de Tarzán más escrites por Burroughs tamién fueron adaptaes pa la pantalla, y numberes películes adicionales de Tarzán fueron feches ensin más conexión colos sos escritos que'l personaxe.

Adaptaciones al cómic[editar | editar la fonte]

El llibru foi adaptáu al cómic en munches ocasiones, tanto en tires cómiques como en tebeos. La tira foi llevada a cabu por Hal Foster. Les meyores adaptaciones al cómic fueron les de Gold Key Comics en Tarzan no. 155 (guion de Gaylord DuBois, dibuxos de Russ Manning), fecháu en setiembre de 1966, DC Comics en Tarzan nos. 207-210, fechaos en abril-xunetu de 1972, y Marvel en Tarzan Super Special no. 1. Probablemente la más prestixosa versión en cómic foi l'adaptación de Burne Hogarth en 1972.