Diamantina Rodríguez
Diamantina Rodríguez | |
|---|---|
| Vida | |
| Nacimientu | Viḷḷaxime, 14 de setiembre de 1920[1] |
| Nacionalidá |
 España |
| Muerte | Noreña[2], 21 d'abril de 2021[2] (100 años) |
| Estudios | |
| Llingües falaes |
castellanu asturianu |
| Oficiu | cantante |
| Premios |
ver
|
| Xéneru artísticu | tonada asturiana |
| Instrumentu musical | voz |
 | |
Diamantina Rodríguez o simplemente Diamantina (14 de setiembre de 1920, Viḷḷaxime – 21 d'abril de 2021, Noreña) foi una cantante asturiana de tonada.
Biografía[editar | editar la fonte]
De neña escuchó nun gramófonu la voz d'Obdulia Álvarez, La Busdonga, que se convertiría nel so referente.
En 1939 treslladóse col so maríu, el gaiteru quirosán Argimiro Fernández Álvarez, a la llocalidá de San Nicolás (Soto Ribera). Participó por primer vez en 1948 nel concursu entamáu pol diariu Región, algamando esi añu la segunda posición (finalmente ganaría'l concursu nel añu 1955). Arriendes de la so proyeición dientro del mundu de la tonada, el concursu sirvió-y pa conocer a Cuchichi que yera miembru del xuráu y que dende esi momentu se convirtió nel so maestru.
En 1950 asitiase definitivamente en Mieres.
Nel añu 2002 recibió la medaya d'Asturies, que concede'l Gobiernu del Principáu, na categoría de plata, como reconocimientu a la so trayeutoria artística y la contribución al recobramientu del patrimoniu musical asturianu.
A partir del añu 2003 forma parte del xuráu del Memorial "Silvino Argüelles" que concede los premios a los 10 cantantes de tonada más importantes del añu.
Grabaciones[editar | editar la fonte]
Darréu entamó a participar nos escenarios y concursos más importantes d'Asturies. Nel añu 1969 grabó'l so primer discu, y a partir d'esi momentu entama una gran actividá editora grabando en 1971 un nuevu discu dedicáu al cancioneru d'Eduardo Martínez Torner. La verde Asturias foi'l títulu d'una nueva grabación fecha en 1972 y en 1973 editaría otros dos discos titulaos Canciones asturianas. En 1981 asoleyó un nuevu discu, A las madres de los mineros, nel que se recueyen non solo tonaes sinón tamién xiraldilles, vaqueiraes, añaes.
Recientemente puso voz falada nel cantar A la madre del mineru que grabó Rosario González nel so discu De Llaciana vengo (2004). Igualmente esi mesmu añu intervién nel discu editáu pola Direición Xeneral de la Muyer del Principáu d'Asturies, Con voz de muyer, nel que tamién participen delles de les voces más importantes de la tonada femenina del momentu: Anabel Santiago, Liliana Castañón, Marisa Valle Roso o Rosario González.
Referencies[editar | editar la fonte]
- ↑ 1,0 1,1 URL de la referencia: https://www.mieres.es/turismo/personajes-relevantes-de-mieres/diamantina-rodriguez/.
- ↑ 2,0 2,1 URL de la referencia: http://www.asturies.com/noticies/dexonos-a-los-100-anos-diamantina-rodriguez. Data de consulta: 21 abril 2021.
Enllaces esternos[editar | editar la fonte]
Datos: Q19965853