Marisa Valle Roso

De Uiquipedia
Saltar a: navegación, buscar

Marisa Valle Roso (La Felguera, Llangréu, 1987) ye una cantante asturiana de tonada, que vien formando pareya col so hermanu, Fernando.

Marisa entamó nel mundu de la tonada nel añu 2000, de la mano d'una de les voces más importantes del so momentu, Alfredo Canga. Dende entós tien algamao una buena riestra de premios nos meyores concursos de canción asturiana: L'Entregu (2003 y 2006), Xixón (2003 y 2004), Amieva (2004) y La Nueva (2005), en categoría xuvenil, y La Nueva, 2010 y 2011), Avilés (2007), Amieva (2007), L'Entregu (2007 y 2008), Mieres (2008, 2010), La Nueva (2008) y Xixón (2008), en categoría absoluta. Igualmente algamó'l premiu de “Meyor Cantadora del Añu” de 2006, 2007 y 2008, dientro del Memorial Silvino Argüelles.

Los Hermanos Valle Roso vienen faciendo interpretaciones de tonada dialogada (como lo ficiera'l propiu Alfredo Canga xunto con Diagmina Noval) y de tonada a dos voces. Tienen grabaos dellos discos colectivos con otros autores. Nel añu 2009 graben el so primer discu en solitario, Un pasu más, nel que dan un toque jazzísticu a la tonada tradicional.

Nel añu 2010 ganó los tres primeros concursos de tonada del añu: Cuenca del Caudal, L'Entregu y Ciudá d'Uviéu. Esti mesmu añu ye la encargada, xunto col so hermanu Fernando Valle Roso de dar el conciertu nel actu académicu del Día de les Lletres Asturianes.

En 2011 alzaríase col trunfu na XIX edición del Concursu y Muestra de Folklore "Ciudá d'Uviéu"", seguida de Lorena Corripio y Laudelina Hortal González. Igualmente, esti añu asoleyó'l so primer discu en solitariu, De lo fondero l'alma, trabayu nel que collaboren el gaiteru Pablo Carrera, Xaime Arias al pianu, Rodrigo Sturm a la guitarra y Estefanía Moro coles percusiones tradicionales[1] y col que ganaría'l Premiu de la Crítica RPA al Meyor Discu de Canción Asturiana de la RPA[2]. A la hora de falar d'esti discu y de la inclusión nél d'una composición averada al flamenu, Colombiana, señala la so almiración pol cantante xixonés Orestes Menéndez[3], indicando qu' «a mi préstame muncho lo que facía y él cantaba tanto flamencu como canciones gallegues o cualquier otra cosa». El citáu Premiu de la Crítica RPA del añu 2008 tamién lu ganara nel apartáu de Meyor Voz del Añu.

Yá nel añu 2012 algamaría'l primer premiu nel Concursu de Tonada Cuenca del Caudal[4], el de La Nueva[5] y el de Samartín[6].

Discografía[editar | editar la fonte]

  • “Un pasu más”. L'aguañaz. CDÑAZ 157. 2008
  • “Con voz de muyer”. Instituto asturiano de la mujer. Publicaciones Ámbitu. D.L.: AS-0671/04. 2004
  • “Campeones XIV Concurso de Canción Asturiana”. Fonográfica Asturiana. CD. SFA-410. 2009
  • “Campeones XII Concurso de Canción Asturiana”. Fonográfica Asturiana. CD. SFA-398. 2008
  • “Asturianaes”. Fonográfica Asturiana. CD SFA-379. 2006
  • “La mina que nun cierra”. Llibru-discu Foro por la Poesía de la Cuenca del Nalón. KRK EDICIONES. D.L.: AS- 2380- 2006
  • “Presente y Futuro”. Fonográfica Asturiana. CSFA-322.
  • “Campeones XI Concurso de Canción Asturiana”. Fonográfica Asturiana. CSFA-377.
  • “Cantares de mina”. Ámbitu. CD-AM005. 2003
  • “Homenaje a Xuacu el de Sama”. Fonográfica Asturiana. CD. SFA-430. 2010
  • “13 X Mánfer”. L'aguañaz. D. L.: AS-1254/11. 2011
  • “25 clásiques de l'Asturianada”. L'aguañaz. CDÑAZ 161.

Victories en concursos[editar | editar la fonte]

Concursos ganaos por Marisa Valle Roso
Añu Concursu Oservaciones
2003 L'Entregu En categoría moza
2003 Xixón En categoría moza
2004 Xixón En categoría moza
2004 Amieva En categoría moza
2005 La Nueva En categoría moza
2006 L'Entregu En categoría moza
2007 Avilés
2007 Amieva
2007 L'Entregu
2007 La Nueva
2007 Uviéu
2008 L'Entregu
2008 Mieres
2008 Xixón
2008 Avilés
2008 Uviéu Renovación de la tonada
2008 La Nueva
2009 Mieres
2009 Mieres Renovación de la tonada
2009 L'Entregu
2009 Amieva
2009 Amieva Renovación de la tonada
2009 Uviéu Renovación de la tonada
2010 Mieres
2010 La Nueva
2010 Uviéu
2011 La Nueva
2012 Cuenca del Caudal
2012 La Nueva
2012 Samartín
2012 Siero
2013 La Nueva[7]

Notes[editar | editar la fonte]

  1. [1] Marisa Valle Roso presenta nuevu discu en La Felguera, Asturnews.com. Consultao'l 1 d'avientu de 2011
  2. D.B.M. RPA entregó en Mieres los Premios de la Crítica 2011. Les Noticies, 11 d'avientu de 2011
  3. Entrevista en Les Noticies, númberu 763, del 25 d'avientu de 2011
  4. [2]. «El concurso Cuenca del Caudal entrega hoy sus premios de tonada» La Nueva España, 10.03.2012
  5. La Voz de Asturias, 16 d'abril de 2012, “La Nueva ya tiene nuevos reyes”
  6. [3] "La gala de campeones cerró el Concurso de Canción Asturiana de San Martín". La Nueva España, 12.06.12]]
  7. Cueli y Marisa Valle Roso ganan el concurso de canción asturiana en La Nueva, El Comercio, 15.04.2013