Alexandra Kollontai

De Uiquipedia
Saltar a: navegación, buscar

Alexandra Mikhailovna Kollontai (en rusu: Александра Михайловна Коллонтай) foi una revolucionaria marxista y teórica feminista de la tendencia bolxevique. Ñació en San Petersburgu'l 31 de marzu de 1872 y morrió en Moscú'l 9 de marzu de 1952.

Ainda siendo de familia peracomodada, siendo'l so pa xeneral na guerra ruso-turca ente 1877 y 1878 y la so ma fía d'un comerciante madereru finlandés, dende bien moza interesóse polos socialistes utópicos como Saint Simon, Owen y Fourier y por Karl Marx y Friedrich Engels.

Na so militancia política formó parte de los menxeviques fasta 1914 cuando se tornó pa la faición bolxevique. Foi miembru destacada del Soviet Supremu de Petrográu, del PCXS, amás de diplomática soviética dende 1923 y embaxadora de la XRSS en México dende 1926, siendo de les pioneres nesta tarea.

Enfrentóse al feminismu sufraxista, al que consideraba corruptu pol sistema burgués yá que pa ella "a les muyeres socialistes da-yos igual si'l so patrón ye home o fema"[1]. Amás siempres tuvo al llau de Lenin nel Soviet de Petrográu y algamó que la situación de les muyeres tuviere igual que la de los homes.

Tres la llegada de Stalin al secretariáu xenral del PCXS, Alexandra Kollontai entamó a dase cuenta de la corrupción de la situación de la muyer na XRSS yá que se tornaba al vieyu patriarcáu y recortábense llibertaes enforma nel ámbitu familiar y de llibertá sexual: persiguióse a los homosexuales, punxéronse torgues a los divorcios, la muyer pasó a un segundu planu nel ámbitu de llibertaes respeuto al maríu...

Referencies[editar | editar la fonte]

  1. El Día la Muyer (en castellán).