Partíu Comunista de la Xunión Soviética

De Uiquipedia
Saltar a: navegación, buscar

Partíu Comunista de la Xunión Soviética (PCXS; en rusu Коммунистическая партия Советского Союза, КПСС) foi'l nome usáu polos socesores de la estaya bolchevique del Partíu Obreru Socialdemócrata Rusu dende 1952 hasta 1991, anque les pallabres Partíu Comunista taben presentes nel nome dende 1918, fecha na que entamó a llamase Partíu Comunista Rusu Bolchevique. En 1925, cola Xunión Soviética acabante de formase, convirtióse nel Partíu Comunista de los Bolcheviques de la Xunión. Y en 1952 simplificóse a Partíu Comunista de la Xunión Soviética.

Depués de formase la Tercera Internacional o Komintern, la estructura marxista-leninista del PCXS copiaronla los demás miembros.

De mientres tola historia de la Rusia soviética y de la XRSS, el Partíu Comunista foi'l partíu gobernante y mayoritariu. Ye por esto que, la historia del PCXS y la de la XRSS entrecrucen y solapanse.