Saltar al conteníu

Zenón Noriega Agüero

21-09-2026 17:08
De Wikipedia
Zenón Noriega Agüero
President of the Council of Ministers of Peru (en) Traducir

28 xunetu 1950 - 9 agostu 1954
← Armando Revoredo Iglesias - Roque A. Saldías →
Presidente de Perú

1r xunu 1950 - 28 xunetu 1950
← Manuel A. Odría - Manuel A. Odría →
Vicepresidente de Perú

1r payares 1948 - 1r xunu 1950
← José Gálvez Barrenechea - Héctor Boza →
Presidente de Perú

29 ochobre 1948 - 1r payares 1948
← José Luis Bustamante y Rivero - Manuel A. Odría →
Minister of Defence of Peru (en) Traducir

Vida
Nacimientu Jesús District (en) Traducir[1], 12 de xunetu de 1900[1]
Nacionalidá Bandera del Perú Perú
Muerte Lima[1], 7 de mayu de 1957[1] (56 años)
Sepultura El Ángel Cemetery (en) Traducir
Estudios
Estudios Chorrillos Military School (en) Traducir
Llingües falaes castellanu
Oficiu
Oficiu políticu, oficial
Graduación xeneral
Creencies
Partíu políticu Odriíst National Union (en) Traducir
Cambiar los datos en Wikidata

Zenón Noriega Agüero (12 de xunetu de 1900, Jesús District (en) Traducir – 7 de mayu de 1957, Lima) foi un militar y políticu peruanu qu'ocupó interinamente la presidencia de Perú en 1948 y en 1950, como xefe d'una Xunta Militar de Gobiernu, nel Ocheniu de Manuel Odría. Foi tamién vicepresidente, presidente del Conseyu de Ministros y ministru de Guerra.

Biografía

[editar | editar la fonte]

Foi fíu de Wenceslao Noriega y María del Carmen Agüero. Cursó la educación secundaria nel Colexu Nacional de Cajamarca. En 1917 ingresó a la Escuela Militar de Chorrillos, d'onde egresó como alférez d'artillería en 1922. En 1925 ascendió a capitán por aición distinguida. Cursó estudios na Escuela Superior de Guerra de 1928 a 1931, onde se tituló d'oficial d'Estáu Mayor. Ascendió a sarxentu mayor (1932) y a teniente coronel (1936), y pasó a ser ayudante del Ministeriu de Guerra, xefe del Cuerpu d'Artillería Númb. 2 y subdireutor de la Escuela d'Aplicación d'Artillería.

En 1943 ascendió a coronel y foi nomáu xefe d'una seición nel Estáu Mayor del Exércitu y la del Gabinete Militar instauráu nel gobiernu de José Luis Bustamante y Rivero en 1945, na que'l xeneral Manuel A. Odría yera'l ministru de Gobiernu y Policía. Pasó depués a ser comandante de la II División Llixera (1948). Foi ascendíu a Xeneral de Brigada el 6 de setiembre de 1948. Al mandu de la so división encargóse de reprimir el motín del Callao, que foi una rebelión d'oficiales navales y la marinería promovida por elementos de l'ala esquierda del partíu aprista contra'l gobiernu del presidente Bustamante y Rivero (3 d'ochobre de 1948).

Presidente de la Xunta Militar de Gobiernu

[editar | editar la fonte]

Cuando se llevó a cabu'l pronunciamientu militar d'Arequipa del xeneral Manuel A. Odría (27 d'ochobre de 1948), Noriega alcontrábase en Lima, dende onde aguardó'l desenvolvimientu de los acontecimientos. Finalmente, optó por retirar el so apoyu al presidente Bustamante y asina decidió'l trunfu de la llamada “revolución restauradora”, asumiendo interinamente la presidencia d'una Xunta Militar de Gobiernu (29 d'ochobre de 1948). Poco depués Odría llegó a Lima y asumió la presidencia de dicha Xunta, na que Noriega pasó a ser ministru de Guerra y primer vicepresidente de la República.

Tres cuasi dos años de gobiernu, Odría arrenunció al mandu de la Xunta Militar pa postulase a la presidencia de la República, yá que según la llei nun podía exercer el mandu. Noriega reemplazólu na presidencia de la Xunta de Gobiernu, exerciendo cuasi dos meses el gobiernu del país, del 1 de xunu a 28 de xunetu de 1950.

Yá consagráu Odría como presidente constitucional tres unes cuestionables eleiciones, Noriega siguió al so serviciu como ministru de Guerra y presidente del Conseyu de Ministros. Foi ascendíu a Xeneral de División en 1953. Poco depués foi acusáu d'una combalechadura pa deponer a Odría, polo que foi destituyíu y unviáu al destierru a bordu d'ún de los buques de la marina (agostu de 1954).

Noriega pasó a l'Arxentina, onde foi recibíu pol presidente Juan Domingo Perón. Dos años depués volvió al Perú y retiróse a la vida privada. Morrió en 1957.

Ministros d'Estáu (Gobiernu d'Odría)

[editar | editar la fonte]
Tumba de Zenón Noriega.
  • Xeneral de Brigada Zenón Noriega Agüero - Ministru de Guerra.
  • Contralmirante Roque A. Saldías - Ministru de Marina.
  • Alejandro Esparza Zañartu - Ministru de Gobiernu (Ministru del Interior).
  • Xeneral de Brigada Armando Artola - Ministru de Trabayu y Asuntos Indíxenes.
  • Xeneral FAP José L. Villanueva - Ministru d'Aeronáutica.
  • Contralmirante Ernesto Rodríguez Ventocilla - Ministru de Rellaciones Esteriores.
  • Contralmirante Federico Díaz Dulanto - Ministru de Rellaciones Esteriores.
  • Coronel Juan Mendoza Rodríguez - Ministru d'Educación Pública.
  • Coronel Alberto León Díaz - Ministru d'Agricultura.
  • Teniente Coronel Augusto Villacorta - Ministru de Facienda y Comerciu.
  • Coronel Alberto López - Ministru de Salú Pública y Asistencia social.
  • Teniente Coronel José del Carmen Cabrejo Mejía - Ministru de Fomentu y Obres Públiques.
  • Teniente Coronel Augusto Romero Lovo - Ministru de Xusticia y Cultu.

Ver tamién

[editar | editar la fonte]

Bibliografía

[editar | editar la fonte]
  • Chirinos Soto, Enrique: Historia de la República / 1930 -1985. Tomu II. Desde Sánchez Cueto hasta Alan García. Lima, AFA Editores, 1985.
  • Guerra, Margarita: Historia General del Perú. Tomu XII. La República Contemporánea (1919-1950). Primer Edición. Editorial Milla Batres. Lima, Perú, 1984. ISBN 84-499-4818-5
  • Portocarrero Graos, Ricardo: El Perú Contemporáneo. Incluyíu en Historia de Perú. Lima, Lexus Editores, 2000. ISBN 9972-625-35-4
  • Tauro del Pino, Alberto: Enciclopedia Ilustrada de Perú. Tercer Edición. Tomu 11. MEN/OJE. Lima, PEISA, 2001. ISBN 9972-40-160-9
Predecesor:
José Luis Bustamante y Rivero
Presidente Constitucional
Presidente interín de la Xunta de Gobiernu de Perú

29 d'ochobre de 1948 - 1 de payares de 1948
Socesor:
Manuel A. Odría
Presidente Xunta de Gobiernu
Predecesor:
José Gálvez Barrenechea
1er Vicepresidente Constitucional
Primer Vicepresidente de Perú

1 de payares de 1948 - 1 de xunu de 1950
Socesor:
Héctor C. Boza
1er Vicepresidente Constitucional
Predecesor:
Héctor Martínez
Ministru de Guerra de Perú

1 de payares de 1948 a 9 d'agostu de 1954
Socesor:
Carlos Mihano
Predecesor:
Manuel A. Odría
Presidente de la Xunta de Gobiernu
Presidente interín de la Xunta de Gobiernu de Perú

1 de xunu de 1950 a 28 de xunetu de 1950
Socesor:
Manuel A. Odría
Presidente Constitucional
Predecesor:
Armando Revoredo Iglesias
Presidente del Conseyu de Ministros de Perú

28 de xunetu de 1950 a 9 d'agostu de 1954
Socesor:
Roque A. Saldías

Referencies

[editar | editar la fonte]
  1. 1 2 3 4 URL de la referencia: https://ancestors.familysearch.org/es/LTSD-HMB/zen%C3%B3n-noriega-ag%C3%BCero-1900-1957. Data de consulta: 2 febreru 2025.

Enllaces esternos

[editar | editar la fonte]