WZ Cassiopeiae

De Wikipedia
Saltar a navegación Saltar a la gueta
WZ Cassiopeiae
WZ Cassiopeiae
Constelación Cassiopeia
Ascensión reuta α 00h 01min 15,86s
Declinación δ +60º 21’ 19,0’’
Distancia 2120 años-lluz (aprox)
Magnitú visual +9,4 a +11,4 (variable)
Magnitú absoluta -5,48 (bolométrica)
Lluminosidá 12.100 soles
Temperatura 3095 K
Radiu 415 soles (aprox)
Tipu espectral CV2
Velocidá radial -34,0 km/s
Otros nomes HD 224855 / HIP 99
SAO 21002/ CGCS 5976

WZ Cassiopeiae (WZ Cas / HD 224855)[1] ye una estrella variable na constelación de Cassiopeia. Alcuéntrase a una distancia averada de 2120 años lluz del Sistema Solar.[2]

Carauterístiques físiques[editar | editar la fonte]

WZ Cassiopeiae ye una estrella de carbonu de tipu espectral CV2 —tamién catalogada como estrella SC— con una temperatura superficial de 3095 K.[2] Nes estrelles de carbonu, al contrariu que na mayor parte de les estrelles, el conteníu de carbonu supera al de oxíxenu; la rellación C/O en WZ Cassiopeiae, próxima a la unidá, ye de 1,01. Coles mesmes, amuesa una rellación ente los isótopos 12C/13C igual a 4,5, polo que ye una estrella bien rica en carbonu-13 en comparanza a otres estrelles de carbonu de la galaxa. Esti fechu, xuníu a la so elevada bayura relativa de litiu, probablemente tien el so orixe nun nucleu caliente onde tien llugar la fusión nuclear de 12C en 13C y 14N. Toos estos factores indiquen que WZ Cassiopeiae tien una masa elevao.[3]

Les estrelles de carbonu esperimenten una perda de masa estelar significativa, que nel casu de WZ Cassiopeiae ye de 1,3 × 10-7 mases solares per añu. La so lluminosidá bolométrica —considerando toles llonxitúes d'onda— ye 12.100 ~ vegaes superior a la lluminosidá solar.[2] Por aciu interferometría midióse'l so diámetru angular en banda K, que ye de 5,93 ± 0,72 milisegundos d'arcu.[4] Ello dexa evaluar el so diámetru real, resultando ser ésti 415 vegaes más grande qu'el diámetru solar; dicha cifra, al depender de la distancia y dada la incertidume na mesma, ye namái averada.

Variabilidá[editar | editar la fonte]

Catalogada como variable semirregular SRB, WZ Cassiopeiae amuesa variaciones de rellumu ente magnitú aparente +9,4 y +11,4.[5] Al igual qu'otres variables semirregulares, ye una variable multiperiódica con dos periodos claramente definíos de 366 y 186 díes, que s'atribúin a pulsaciones radiales na superficie. Sicasí, esisten variaciones nuna escala de tiempu mayor —del orde de miles de díes— que podríen tar rellacionaes col campu magnéticu estelar o con dalgún ciclu d'actividá magnética.[3]

Ver tamién[editar | editar la fonte]

Referencies[editar | editar la fonte]