Theta Ursae Majoris

De Wikipedia
Saltar a navegación Saltar a la gueta
Theta Ursae Majoris
Theta Ursae Majoris
Constelación sietestrellu
Ascensión reuta α 09h 32min 51,43s
Declinación δ +51º 40’ 38,3’’
Distancia 44 ± 0,4 años lluz
Magnitú visual +3,17 / +13,8
Magnitú absoluta +2,37 / +13,00
Lluminosidá 7,6 / ? soles
Masa 1,5 - 1,6 / 0,15 soles
Radiu 2 / ? soles
Tipu espectral F6IV / M6V
Velocidá radial +15,4 km/s

Theta Ursae Majoris (θ Ursae Majoris / θ UMa / 25 UMa)[1] ye una estrella de magnitú aparente +3,17 na constelación del sietestrellu. Recibe los nomes, pocu habituales, de Al Haud y Sarir. Per otra parte, en China yera conocida —xuntu a υ Ursae Majoris y φ Ursae Majoris— como Wan Chang, «el llume lliterario».[2] Alcuéntrase a 44 años lluz de distancia del Sistema Solar.

Theta Ursae Majoris ye una estrella doble que les sos componentes —Theta Ursae Majoris A y B— tán dixebraes 4,1 segundos d'arcu. Anque nun se pudo reparar movimientu orbital dalgunu, les dos estrelles muévense xuntes al traviés del espaciu, polo que lo más probable ye qu'esista una rellación física ente elles. La separación real ente elles pue ser de 94 UA.

Theta Ursae Majoris A ye una subxigante blancu-mariella de tipu espectral F6IV que'l so diámetru ye aprosimao'l doble de la solar. La so temperatura de 6370 K y la so lluminosidá, 7,6 vegaes mayor que la del Sol, dexen envalorar la so masa en redol a 1,5 - 1,6 mases solares. El so metalicidá ye inferior a la del Sol, en redol a un 60% de la mesma. Theta Ursae Majoris A ye, de la mesma, una binaria espectroscópica, con un periodu orbital de namái 371 díes. Nada se conoz sobre la estrella qu'acompaña a la subxigante.[3]

Theta Ursae Majoris B ye una nana colorada tenue de magnitú +13,8. De tipu espectral M6V, ye una estrella de baxa masa (alredor del 15% de la masa solar).[3]

Ver tamién[editar | editar la fonte]

Referencies[editar | editar la fonte]

  1. Theta Ursae Majoris (SIMBAD)
  2. Allen, Richard Hinckley (1889). «Ursa Major», en Courier Dover Publications: Star Names — Their Lore and Meaning (n'inglés), 563. ISBN 0-486-21079-0. Consultáu'l 12 de febreru de 2012.
  3. 3,0 3,1 Theta Ursae Majoris (Stars, Jim Kaler)