Fi Ursae Majoris

De Wikipedia
Saltar a navegación Saltar a la gueta
Fi Ursae Majoris
Fi Ursae Majoris A/B
Constelación sietestrellu
Ascensión reuta α 09h 52min 06,36s
Declinación δ +54º 03’ 51,6’’
Distancia 510 ± 37 años lluz
Magnitú visual +4,56 (+5,28 / +5,39)
Magnitú absoluta -1,08 (conxunta)
Lluminosidá 182 / 164 soles
Temperatura 9800 / 9800 K
Masa 3,0 / 3,2 soles ?
Radiu 4,7 / 4,5 soles
Tipu espectral A3IV / A3IV
Velocidá radial -11,9 km/s

Fi Ursae Majoris (φ UMa / 30 Ursae Majoris / HD 85235)[1] ye una estrella na constelación del sietestrellu de magnitú aparente +4,56. Alcuéntrase a 510 años lluz del Sistema Solar.

Fi Ursae Majoris ye una estrella binaria cercana que les sos componentes son subxigantes blanques de tipu espectral A3IV. Adoptando una temperatura efectivo de 9800 K —consecuente col so tipu espectral—, puede calculase la lluminosidá y radiu de cada componente. Asina, la estrella principal ye 182 vegaes más lluminosa qu'el Sol y tien un radiu de 4,7 radios solares. La estrella secundaria tien el 90% de la lluminosidá de la so compañera y un radiu 4,5 vegaes más grande qu'el del Sol. Los periodos de rotación —calculaos a partir de la velocidá de rotación midida, 29 km/s— son inferiores a 8 díes. Amuesen ciertu empobrecimientu en metales —entendiendo como tales aquellos elementos más pesaos qu'el heliu— respectu al Sol, con una bayura relativa de fierro en redol al 40% del valor solar. El sistema tien una edá cercana a los 220 millones d'años.[2]

El periodu orbital d'esta binaria ye de 105,4 años. La separación media ente dambes estrelles ye de 54 UA —anque tamién se suxurió que pudiera ser inferior, de 40 ~ UA—, magar la notable escentricidá orbital fai qu'ésta varie ente 30 y 79 UA. El postreru periastru tuvo llugar en 1987. El planu de la órbita tópase inclináu 25º respectu al planu del cielu.[2]

Referencies[editar | editar la fonte]