Ípsilon Ursae Majoris

De Wikipedia
Saltar a navegación Saltar a la gueta
Ípsilon Ursae Majoris
Ípsilon Ursae Majoris
Constelación sietestrellu
Ascensión reuta α 09h 50min 59,36s
Declinación δ +59º 02’ 19,4’’
Distancia 115 ± 3 años lluz
Magnitú visual +3,80
Magnitú absoluta +1,04
Lluminosidá 29 soles
Temperatura 7170 K
Masa 2 soles
Radiu 3,5 soles
Tipu espectral F2IV
Velocidá radial +27,3 km/s

Ípsilon Ursae Majoris (υ UMa / 29 Ursae Majoris / HD 84999)[1] ye una estrella de magnitú aparente +3,80 asitiada na constelación del sietestrellu. En China yera conocida —xuntu a θ Ursae Majoris y φ Ursae Majoris— como Wan Chang, «el llume lliterario».[2] Alcuéntrase a 115 años lluz del Sistema Solar.

Ípsilon Ursae Majoris ye una subxigante blancu-mariella de tipu espectral F2IV[1] y 7170 K de temperatura. 29 vegaes más lluminosa que'l Sol, tien un radiu de 3,5 radios solares y una masa doble que la del Sol. Como subxigante que ye, alcuéntrase rematando la fusión del so hidróxenu internu. Xira sobre sigo mesma a una velocidá de siquier 124 km/s, unes 60 vegaes más apriesa que'l Sol, siendo'l so periodu de rotación de 1,4 díes. L'alta velocidá cola que Ípsilon Ursae Majoris muévese al respective de nós (62 km/s, unos cuatro vegaes mayor que'l valor normal) indica que vien de otra rexón de la galaxa.[3]

Ípsilon Ursae Majoris ye una variable Delta Scuti con una pequeña variación nel so rellumu, non perceptible al güeyu humanu, de 0,18 magnitúes. El periodu principal ye de 3,19 hores, pero esisten otros entendíos ente 1,6 y 2,1 hores.[3]

Ípsilon Ursae Majoris forma una estrella binaria con una tenue acompañante asitiada a 11,6 segundos d'arcu. D'alcuerdu a la so magnitú +11,5, ye una nana colorada de tipu M0 con una masa averada de 0,5 mases solares. La separación reparada correspuende a una distancia mínima de 409 UA ente dambes estrelles, con un periodu orbital de siquier 5200 años.[3]

Referencies[editar | editar la fonte]

  1. 1,0 1,1 Upsilon Ursae Majoris (SIMBAD)
  2. Allen, Richard Hinckley (1889). «Ursa Major, the Greater Bear», en Courier Dover Publications: Star Names — Their Lore and Meaning (n'inglés), 563. ISBN 0-486-21079-0. Consultáu'l 12 de febreru de 2012.
  3. 3,0 3,1 3,2 Upsilon Ursae Majoris (Stars, Jim Kaler)