Sonny Bono

De Wikipedia
Saltar a navegación Saltar a la gueta
Sonny Bono
Sonny Bono35mm film frames.svg
Sonny Bono.jpg
alcalde

1988 - 1992
miembru de la Cámara de Representantes de los Estaos Xuníos

3 xineru 1995 - 5 xineru 1998
Al McCandless - Mary Bono Mack Traducir
Distritu: 44.º distrito congresional de California Traducir
miembru de la Cámara de Representantes de los Estaos Xuníos

4 xineru 1995 - 3 xineru 1997
Distritu: 44.º distrito congresional de California Traducir
Eleiciones: 1994 United States House of Representatives elections Traducir
miembru de la Cámara de Representantes de los Estaos Xuníos

7 xineru 1997 - 5 xineru 1998
Distritu: 44.º distrito congresional de California Traducir
Eleiciones: 1996 United States House of Representatives elections Traducir
Vida
Nome completu Salvatore Phillip Bono
Nacimientu Detroit16  de febreru de 1935
Nacionalidá Bandera de Estaos Xuníos d'América Estaos Xuníos
Fallecimientu

Stateline Traducir5  de xineru de 1998

(62 años)
Sepultura Desert Memorial Park Traducir
Causa de la muerte caída Traducir
Familia
Casáu/ada con Cher  (27 ochobre 1964 -  26 xunu 1975)
Susie Coelho  (31 avientu 1981 -  1984)
Mary Bono Mack Traducir  (febreru 1986 -  5 xineru 1998)
Fíos/es
Estudios
Estudios escuela primaria
Llingües inglés
Oficiu
Oficiu actor, cantante, políticu, cantautor, productor discográficu, actor de televisión, actor de cine y restaurador
Llugares de trabayu Washington
Miembru de Sonny & Cher
Xéneru artísticu pop
Instrumentu musical voz
Discográfica Atco Records
Creencies
Relixón Cienciología
Partíu políticu Partíu Republicanu de los Estaos Xuníos
IMDb nm0095122
Cambiar los datos en Wikidata

Salvatore Phillip Bono (16  de febreru de 1935Detroit - 5  de xineru de 1998Stateline Traducir), meyor conocíu como Sonny Bono foi un actor, cantautor y políticu estauxunidense que llevó alantre la so carrera mientres tres décades. Foi maríu de la cantante Cher, con quien formó'l dúu musical Sonny & Cher mientres diez años.

Biografía[editar | editar la fonte]

Carrera artística[editar | editar la fonte]

Nacíu en Detroit, Michigan fíu d'inmigrantes italianos, Jean y Santu, Bono empezó la so carrera na música trabayando pal llexendariu productor Phil Spector nos empiezos de los años 60 como promotor. Una de les sos primeres composiciones foi “Needles and Pins”. Más palantre na mesma década, algamó ésitu comercial, xuntu cola so entós esposa la cantante Cher, como parte del dúu Sonny & Cher. Bono escribió, iguó, y produció dellos hits como “I Got You Babe” y “The Beat Goes On” anque Cher recibió más atención. Sonny y Cher protagonizaron un programa de televisión de variedá llamáu'l "The Sonny & Cher Comedy Hour", foi tresmitíu pola CBS de 1971 a 1977.

Bono siguió la so carrera d'actor, faciendo pequeños papeles como "Fantasy Island" y The Boat Love. Tamién fixo la parte de Joe Seluchi en "Airplane II: The Sequel y la parte de Franklin von Tussle en "Hairspray", de John Waters. Na película “Men in Black” Bono ye una de les varies celebridaes vistes nuna paré de pantalles de videu que los estraterrestres xixilen.

Dende finales de los 60 Sonny tuvo centráu na composición y producción de música pa la so esposa, algamando ésta'l númberu unu nes llistes norteamericanes y britániques en más d'una ocasión; destaquen ente ellos Bang-Bang (reeditada por Cher nel añu 1987 so la producción de Bon Jovi). Los esfuercios de Sonny na árdua xera de convertir a Cher nuna actriz d'ésitu sumieron al matrimoniu nuna bancarrota por causa de les sos inversiones en películes de baxa categoría (curiosamente Cher nel añu 1987 consiguiría un Óscar como meyor actriz principal pola película Moonstruck). Fueron rescataos por un productor de la CBS a principios de los 70 por que punxeren en marcha'l programa de variedaes The Sonny & Cher Comedy Hour, que nel momentu del so estrenu yera un programa de branu, que dexó de selo a la lluz del so enorme ésitu pa enllargase mientres delles temporaes. Convirtiéndose en líder d'audiencia selmanal mientres enforma tiempu.

A mediaos de los 70 el matrimoniu de Sonny y Cher fai agua, y de resultes los sos proyeutos de mancomún naufraguen. Siguen les sos carreres por separáu, y la carrera de Sonny Bono va perdiendo puxanza, asina'l programa televisivu d'entretenimientu de Sonny en solitariu, ye entartalláu pol de Cher na competencia; les publicaciones musicales de Sonny, fueron entartallaes tamién poles vientes de Cher en solitariu, hasta'l puntu d'acuñase una frase n'EE.XX. que dicía "Yes un Sonny ensin Cher".

Sonny sumió del mundu del espectáculu sacante la so última apaición al pie de Cher nel añu 1987 nel conocíu programa d'entrevistes de David Letterman, onde dambos remembraron la so archiconocida cantar I Got You Babe.

Carrera política[editar | editar la fonte]

Bono entró na política dempués d'esperimentar una gran frustración cola burocracia del gobiernu llocal n'intentar abrir un restorán en Palm Springs, California. Col conservador conductor de radiu Marshall Gilbert como'l so compañeru de campaña (y más palantre como padrín de los sos dos fíos cola so esposa, Mary), Bono emponer pa ser el nuevu alcalde de Palm Springs. La so mayor ambición yera faer de la ciudá un llugar más cómodu pa les rellaciones financieres y pa los negocios, amás de la creación del festival internacional de cine de Palm Springs, güei celebráu cada añu a la memoria de Bono.

Centráu nel campu de la política republicana aportó a congresista d'Estaos Xuníos por Palm Springs, cuidao que ocupaba cuando finó víctima d'un accidente d'esquí'l 5 de xineru de 1998, añu nel que paradójicamente la so ex esposa Cher ocuparía'l Llibru Guinness de los récores por ser la muyer de mayor edá en llegar al númberu unu de la llista Billboard col so discu Believe, del que vendería 20 millones de copies en tol mundu.

Llectures encamentaes[editar | editar la fonte]

  • Sonny Bono: And The Beat Goes On. New York: Pocket Books 1991. ISBN 0-671-69366-2
  • Joel Whitburn's Top Pop Singles, 12ª edición. Menomonee Falls WI: Record Research 2009 ISBN 0-89820-180-2 y 978-0-89820-180-2

Enllaces esternos[editar | editar la fonte]