Seginus

De Wikipedia
Saltar a navegación Saltar a la gueta
Seginus
Seginus
Constelación Boötes
Ascensión reuta α 14h 32min 04,67s
Declinación δ +38º 18’ 29,7’’
Distancia 85,2 ± 1,6 años-lluz
Magnitú visual +3,04
Magnitú absoluta +0,96
Lluminosidá 34 soles
Temperatura 7600 K
Masa 2,5 soles
Radiu 2,7 soles
Tipu espectral A7III
Velocidá radial -36,5 km/s

Seginus o Ceginus (γ Bootis / γ Boo / 27 Bootis) ye la cuarta estrella más brillosa de la constelación de Boötes con magnitú aparente +3,04, siendo superada por Arturu (α Bootis), Izar (ε Bootis) y Mufrid (η Bootis). El nome de Seginus vien de la llatinización d'una forma árabe del nome griegu de la constelación, Theguius. Otru nome que recibe esta estrella, Haris, provién del nome árabe de la constelación, Al Haris Al Sama, que significa «el guarda».

A una distancia de 85 años lluz del Sistema Solar, Seginus ye una estrella xigante blanca de tipu espectral A7III con una temperatura superficial de 7600 K y una lluminosidá 34 vegaes mayor qu'el Sol. Les xigantes blanques nunca son tan grandes como les xigantes de tipos espectrales tardíos -K y M-, pos tán empezando a espandise y namái más palantre van convertise n'estrelles verdaderamente grandes. Asina, el radiu de Seginus ye 3,5 vegaes mayor qu'el radiu solar, llueñe del tamañu de les xigantes más fríes. Ye, amás, una variable Delta Scuti, con pequeñes variaciones nel so rellumu de 0,05 magnitúes con un periodu de 6,97 hores.

Seginus ye una estrella binaria, tando la so compañera separada apenes 0,07 segundos d'arcu, lo que correspuende a una separación real de 1,8 UA. Una tercer estrella, a unos 30 segundos d'arcu, nun ta gravitacionalmente xunida a elles.

Referencies[editar | editar la fonte]