Ronee Blakley

De Wikipedia
Saltar a navegación Saltar a la gueta
Ronee Blakley
Ronee Blakley35mm film frames.svg
Ronee Blakely 1976.JPG
Vida
Nacimientu

Nampa Traducir24  d'agostu de 1945

(74 años)
Nacionalidá Bandera de Estaos Xuníos d'América Estaos Xuníos
Familia
Casáu/ada con Wim Wenders  (1979 -  1981)
Fíos/es
Oficiu
Oficiu actriz, cantante, direutora de cine, guionista, compositora de cantares y actriz de cine
Nominaciones
Xéneru artísticu Country
Instrumentu musical voz
IMDb nm0086867
roneeblakley.com/
Cambiar los datos en Wikidata

Ronee Blakley (24  d'agostu de 1945Nampa Traducir) ye una actriz estauxunidense. Anque siendo una peracabada cantante, compositora, productora y direutora, ye quiciabes más conocida como actriz. El so papel más famosu foi la superestrella ficticia de country Barbara Jean en Nashville, película de Robert Altman (1975), pola que ganó un National Board of Review a la Meyor Actriz de repartu y foi nomada pa un Premiu de l'Academia. Ella tamién tenía un papel notable en A Nightmare on Elm Street (1984).

Vida y carrera[editar | editar la fonte]

Nacida en Nampa, Idaho, fía del inxenieru civil Ronald Blakley y la so esposa Carol Blakley. Foi escoyida como representante de Idaho pal certame Girl's Nation mientres estudiaba na escuela secundaria. Estudió nel Mills College, na Universidá de Stanford, y foise a Nueva York p'asistir a la Escuela Juilliard pa estudios de posgráu.

Blakley empezó en Nueva York improvisación vocal con Sintetizadores Moog nel Carnegie Hall con música de Gershon Kingsley. El so primera banda sonora foi compuesta pa la película de 20th Century Fox Welcome Home Soldier Boys y ganóse un llugar nel Quién ye Quién n'América.

Años 70[editar | editar la fonte]

En 1972, sale al mercáu l'álbum de folk-rock Ronee Blakley producíu por Elektra Records, con cantares orixinales, acompañaes pol so pianu. Tamién fixo los arreglos musicales. El cantar Bluebird ta cantada a dúu con Linda Ronstadt. Los cantares fueron publicaes pola so propia compañía, Sawtooth Music.

El so segundu álbum, Welcome foi llanzáu por Warner Bros, en 1975, producíu por Jerry Wexler y grabáu nel Muscle Shoals Sound Studio en Alabama. El diariu de Los Angeles Herald Examiner escribió que yera un álbum casi perfectu.

Esi mesmu añu, Blakley apaeció no que podría ser la so interpretación más conocida, Nashville. El so personaxe, Barbara Jean, foi basáu na estrella del country Loretta Lynn. En Nashville, interpreta los sos propios cantares, incluyendo Tapedeck In His Tractor, Dues and My Idaho Home. Nel so reseña de The New Yorker, el críticu de cine Pauline Kael escribió:

"Esta ye la primer película Ronee Blakley, y ella ponse más histeria película a la vergüenza. Ella consigue los sos dones tan a cencielles, nun me sosprendió cuando daquién siéntase al mio llau empezó a llorar. Seique, per primer vegada na pantalla, unu albidra d'un artista de ser destruyíu polos sos dones".

Foi nomada pa un Premiu de l'Academia na categoría de meyor actriz de repartu xunta con Lily Tomlin. Tamién foi nomada pa un Grammy, un Globu d'Oru y un Premiu de l'Academia Británica, y ganó el National Board of Review a la Meyor Actriz de repartu. Ella apaeció na portada de Newsweek, American Cinematographer, y en Interview Magacín de Andy Warhol.

Actuó con Bob Dylan na xira Rolling Thunder Revue, presentando l'álbum Desire. La xira tamién cuntó con Joan Baez, Joni Mitchell y Ramblin' Jack Elliott. Ella apaez nes xires Hard Rain y The Bootleg Series Vol. 5:. Bob Dylan Live 1975, The Rolling Thunder Revue. Tamién grabó con Leonard Cohen y Axton Hoyt.

En 1977, protagonizó la película She Came to the Valley con Dean Stockwell, Glenn Scott, y Freddy Fender. Apaeció en delles películes de televisión como Desperate Women, Ladies in Waiting, Oklahoma City Dolls, Ford 75th Anniversary Special, y en The Glass Menagerie xunto a John Ritter de Tennessee Williams. A participáu en series de televisión como Vegues, The Love Boat, Highway to Heaven, Trapper John, Hotel, The Runaways, Beyond Westworld y Tales from the Darkside.

Años 80[editar | editar la fonte]

En 1980, protagonizó The Baltimore Bullet con James Coburn, Omar Sharif y Bruce Boxleitner. Dos años más tarde, en 1982, apaeció en Broadway en Pump Boys and Dinettes con Loudon Wainwright III y protagonizó Off Broadway con Tammy Grimes en 1983. Protagonizó Rain de Somerset Maugham pal Indiana Repertory Theatre. Interpretó'l papel de la madre en A Nightmare on Elm Street de Wes Craven (1984).

En 1985, produció, escribió, protagonizó y dirixó el so propiu docudrama tituláu I Played It for You que debutó nel Festival de Cine de Venecia y que darréu apaeció en dellos festivales de cine de tol mundu, incluyendo una reposición nel Silver Lake Film Festival. Sheila Benson de Los Angeles Times escribió: "apasionáu y valiente, un trabayu absorbente". FX Feeney de LA Weekly: "un documentu bien pervalible". La película foi llanzada en DVD en 2008, incluyir cola banda sonora en CD y un nuevu álbum tituláu FreeSpeak.

Vida privada y actividá recién[editar | editar la fonte]

A lo llargo de la so carrera, actuó a favor de causes polítiques y sociales, con énfasis nos derechos civiles y l'igualdá de derechos pa les muyeres. Mientres la campaña presidencial de 1976, realizó una xira enantes de les intervenciones de Jerry Brown, y más tarde actuó nel últimu mitin de Los Angeles de Walter Mondale con Kris Kristofferson.

Tuvo casada col cineasta alemán Wim Wenders (1979 - 1981). Realizó una maestría na Universidá Estatal de California en 2002.

Ella tien una fía, Sarah Blakley-Cartwright, nacida en 1988. La carrera de Blakley foi puesta n'espera mientres crió a la so fía y recuperóse d'una mancadura de llombu.

El so más recién álbum de cantares orixinales, River Nile, foi llanzáu en 2009, inspiráu nun viaxe que fixo a Exiptu. En ochobre de 2010, apaeció nel escenariu nel Bitter End de Nueva York per primer vegada en 20 años.

Trabayos[editar | editar la fonte]

Filmografía[editar | editar la fonte]

Actriz[editar | editar la fonte]

Compositora[editar | editar la fonte]

Banda sonora[editar | editar la fonte]

Direutora, Guionista y Productora[editar | editar la fonte]