Richelieu

De Uiquipedia
Saltar a: navegación, buscar
Richelieu

Armand Jean du Plessis de Richelieu, Cardenal-Duque de Richelieu (9 de setiembre de 15854 d'avientu de 1642) foi un clérigu, noble y home d'Estáu francés.

Nomáu obispu en 1608, entró na política, convirtiéndose en Secretariu d'Estáu, en 1616. Richelieu apriesa algamó un gran poder na Ilesia católica y nel Reinu de Francia, convirtiéndose en cardenal en 1622, y nel primer ministru del rei Luis XIII en 1624. Permaneció nel cargu fasta so muerte en 1642, siendo asocedíu pol tamién cardenal Julio Mazarino.

Comu primer ministru de Francia, consolidó la monarquía francesa lluchando escontra les diverses faiciones doméstiques. Pa contrarrestar el poder de la nobleza, tresformó Francia nun fuerte Estáu centralizáu. La so política esterior fundamental foi contrarrestar el poder de la dinastía austro-hispánica de los Habsburgo, entoncies reinante n'España y nel Sacro Imperiu Romanu Xermánicu. Pa ello, pese a ser un ministru católicu, non dudó n'aliase colos protestantes p'algamar esti oxetivu. Foi notoria la so intervención na Guerra de los Treinta Años, que finó cola Paz de Westfalia.

El so apoyu a la espansión ultramarina fizo-y fundar asentamientos en Nueva Francia, Guadalupe, Guayana, Martinica, Senegal, Madagascar y Reunión.

Richelieu foi tamién famosu pol so mecenazgu de l'arte y por fundar l'Académie française, la institución que protexe'l francés. Ye asinamesmo conocíu pol nomatu de l'Éminence rouge ("La eminencia roxa"), pola vistidura roxa de los cardenales.

Enllaces esternos[editar | editar la fonte]