Richard Serra
Richard Serra (n. San Francisco, Estaos Xuníos, 2 de payares de 1939) ye un escultor minimalista estaunidense conocíu por trabayar con grandes pieces d'acero corten. Estudió Lliteratura na Universidá de Berkeley, ente 1957 y 1961. Más sero estudió Arte na Universidá de Yale. Cuando vivía na costa oeste, manteníase trabayando nuna acerería, actividá qu'influyó nel so trabayu. Depués realizó estudios d'Arte na Universidá Yale (1961-1964). Tony Serra -unu de los dos hermanos- ye un famosu abogáu en San Francisco.
Obra[editar | editar la fonte]
El trabayu más temprano de Serra yera completamente astractu; fechu de plombu fundíu aventáu contra la paré d'un estudiu o d'un espaciu de la esposición, yera un claru exemplu del process art. Ye más conocíu poles sos construciones minimalistes de grandes rodillos y de fueyes d'acero corten. Munchos d'estos pedazos son autosuficientes y acentúen el pesu y la naturaleza de los materiales. Les sos escultures d'acero n'esteriores, lleven un procesu inicial d'oxidación, pero depués de 8 a 10 años, esti color mantiense relativamente estable.
Premios[editar | editar la fonte]
El 12 de mayu de 2010 recibió'l Premiu Príncipe d'Asturies de les Artes.[1]
