Academia de les Artes y les Ciencies d'Estaos Xuníos

De Wikipedia
Saltar a: navegación, buscar
Tipu ONG
Asociaos James Bowdoin, John Adams y John Hancock
[editar datos en Wikidata]

La Academia Estadounidense de les Artes y les Ciencies (American Academy of Arts and Sciences, AAAS) ye una organización dedicada a la enseñanza y la meyora de la conocencia. Xuega'l papel d'una asociación honorífica nos Estaos Xuníos.

L'Academia foi fundada en Boston mientres la Guerra de la Independencia de los Estaos Xuníos por James Bowdoin, John Adams y John Hancock. L'oxetivu, tal que quedó recoyíu nos sos estatutos, yera'l de "cultivar les artes y les ciencies que puedan amontar l'interés, l'honor, la dignidá y la felicidá de la xente llibre, independiente y virtuosa.". Tamién participaron na fundación en 1780 Robert Treat Paine y 58 líderes de comunidaes locales. Otres persones destacaes xuniéronse llueu a l'asociación, ente los primeros miembros atopábense Benjamin Franklin (que la so Asociación Filosófica Estadounidense de Filadelfia impulsó a los líderes de Boston a crear una asociación más empobinada políticamente), George Washington, Thomas Jefferson y Alexander Hamilton. Falando en términos de prestíu, la pertenencia a l'Academia considérase un honor tan solo superáu pol Premio Nobel.

En 2001 de los 3.700 miembros y los 600 miembros honorarios estranxeros 150 d'ellos fueren estremaos col Nobel y 50 col Pulitzer.[1]

La primer muyer miembru de l'Academia foi l'astrónoma Maria Mitchell en 1848[2] y la primera en presidila foi Patricia Meyer Spaks en 2001.[1]

L'academia actual tien la so see en Cambridge, Massachusetts. Patrocina conferencies, entama proyectos d'investigación y publica un periódicu trimestralmente, Dædalus. Anguaño l'Academia tien 4.000 miembros y cerca de 600 miembros esternos honoríficos. A lo llargo del añu académicu, son convidaos a charres y xuntes en Cambridge y los a centros de la Universidá de Chicago y la Universidá de California, Irvine.

Vease tamién[editar | editar la fonte]

Referencies[editar | editar la fonte]

  1. 1,0 1,1 «National Induction Ceremony - American Academy of Arts & Sciences». Consultáu'l 15 de payares de 2016.
  2. «This Month in Physics History: Maria Mitchell Discovers a Comet» (en). American Physical Society. Consultáu'l 15 de payares de 2016.

Enllaces esternos[editar | editar la fonte]

Nun confundir con[editar | editar la fonte]



Academia Estadounidense de las Artes y las Ciencias