Arabia

Coordenaes: 23°N 46°E / 23°N 46°E / 23; 46
De Wikipedia
(Redirixío dende Península arábiga)
Arabia
شبه الجزيرة العربية (ar)
Situación
Tipu península
Parte de Oriente Mediu
Asitiáu en Golfu d'Áqaba
Coordenaes 23°N 46°E / 23°N 46°E / 23; 46
Arabia alcuéntrase n'Arabia Saudita
Arabia
Arabia
Arabia (Arabia Saudita)
Datos
Puntu más altu Jabal an Nabi Shu'ayb (es) Traducir
Superficie 3 200 000 km²
Población 77 584 000
Cambiar los datos en Wikidata

Arabia (n'árabe,العربيّة, al-'Arabīyah) ye una península del sureste d'Asia, na xuntura con África. Mayormente ye una rexón de clima desérticu. Tamién ye conocida como península Arábica.

Les costes de la península tan bañaes pal oeste pol mar Roxu y el golfu d'Aqaba, al sur pol mar d'Arabia y pal este pol golfu d'Omán y el golfu Pérsicu. Pal norte llenda con Israel, Xordania, Iraq y Kuwait. Políticamente la península Arábica ta dixebrada nos vinientes estaos (allugaos por orde de tamañu):

Arabia Saudita (reinu gobernáu pola dinastía wahhabidta de los al-Saüd) enllena la mayor parte de la península, que tien una estensión total de 3.000.000 km² la mayoría de la población, averada pa los 50 millones, vive n'Arabia Saudita y Yemen. El subsuelu d'Arabia contién grandes cantidaes de petroleu. Nesta península atópense La Meca y Medina (dambes n'Arabia Saudita), les dos ciudaes santes del Islam, por aciu'l país tien gran influyencia nos estaos vecinos. Amás los Emiratos Árabes Xuníos y Qatar son la sede de les principales cadenes de televisión del mundiu árabe, como por exemplu Al-Jazira.

Dacuando el términu Próximu Oriente aplícase namái a esta península, lo que ye una incorreición dau qu'esti tamién se refier a l'antigua Mesopotamia y territorios vecinos. Ye común referise a tola península col nome d'Arabia, masque n'otru tiempu la pallabra ficiere referencia a tol mundiu árabe dende Marruecos hasta Omán.

Historia antiga[editar | editar la fonte]

Arabia ye literalmente'l país de los árabes, por ser el bierzu d'esta cultura. Esta etnia ye conocida dende'l 2ᵘ mileniu e.C.

Los primeros soberanos d'Arabia anicien nel sieglu VIII e.C., inda que namái gobernaben confederaciones tribales, nuna rexón erma y escosa poco afayaíza pa l'agricultura que taba tradicionalmente habitada por pueblos nómades. Asina, nos anicios atopamos les reines Zabida y Samsi, y nel entamu'l sieglu VII e.C. apaecen les reines Iati, Te'elhunu, Hazael y Iskallatu (les dos postreres pareyes de reines gobernaren xuntes).

Arabia tamién foi una provincia del Imperiu Romanu hacia'l sieglu II e.C. Tratábase del antiguu reinu nabatéu, en territoriu de lo qu'anguaño ye Xordania, el Sinaí y la parte noroccidental d'Arabia Saudita; Petra yera la capital, darréu d'ello yera nomada Arabia Petria, en llatín Arabia Petraea.


Referencies[editar | editar la fonte]

Enllaces esternos[editar | editar la fonte]