Mesopotamia

De Wikipedia
Saltar a navegación Saltar a la gueta
Wikipedia:Wikipedia:Llista d'artículos que toa Wikipedia tien que tener/Archivu
Wikipedia:Correxir
Mapa de l'antiga Mesopotamia

Mesopotamia (del griegu tierra ente dous riúes) yera antiguamente la rexión allugada ente'l riéu Tigris y el riéu Eufrates y el Golfu Pérsicu. Consideraba-lu como un verxel, yá que fuera d'eses fronteres naturales namái a un greyu d'ermos. Ye'l llugar u nacieron les primeres ciudaes-estaos tales como Ur, Uruk y Lagash dau que dende'l 5000 e.C. desendólcase la civilización sumeria, siendu una de les primeres de tol mundiu. Ye considerada'l bierzu de la civilización yá que nella desendólcase la primera escritura de la que tenemos noticia, la cuneiforme, asina como la navegación, los primeros testos xurídicos o el primer estáu, la ciudá de Súmer. La necesidá del cambéu en les condiciones de vida fixo que les nueves civilizaciones enchenaren esta rexón de grandes canales que facilitaben el riesgu y el so emplegu posterior como tierres d'agricultura; amás nesta estaya apaecen les primeres nories y los primeros embalses, éstos emplegaben l'escedente del agua de les crecides de los rios principales que conformen la Mesopotamia.

La rexión divídese notras dos nomada baxa y alta. La Mesopotamia Baxa o Caldea, tuvo habitada por sumerios y acadios que yeran más agrícoles y menos guerreros que los habitantes de la Mesopotamia Alta o Asiria, más montañosa y habitada polos asirios, una cultura principalmente dedicada a la guerra.

La nacencia de la escritura[editar | editar la fonte]

Himnu a Iddin-Dagan, rei de Larsa. Iscripciones cuneiformes en sumeriu d'al rodiu del añu 1950 e.C..

Eiquí fue'l primer llugar del mundu onde apaez la escritura, hai más de 5.000 años, comu resultáu del xorrecimientu de les ciudaes, y con eilles de les civilizaciones. Y comu final d'un procesu de creyación cultural, como rexistru de la estrutura d'una sociedá y les sos regles: económica, llegales, gubernatives. Más tarde seria la simiente de los llibros sagraos y de les sos mitoloxíes. Esta primera forma de rexistrare las pallabres ye conocida como alfabetu cuneiforme, y nun principiu representaba a la llingua sumeria, esta ye de dudosa filiación y entá nun ta claru nin el so orixe nin si yera una llingua aisllada o emparentada con otres.

División hestórica[editar | editar la fonte]

Esta gran rexión, como cruz de caminos, fue una tierra convulsa y nel estensu periodu que vivíu como xunidá hestórica tuvo cuatru marcades dómines, entamades polos pueblos que gobernaron tol enxeme cultural mesopotámicu.

  • Dómina sumeria: Nu tercer mileniu e.C., carauterizada pola esistencia de las ciudaes estaos.
  • Dómina acadia: Al rodiu del 2330 e.C., Sargón I, funda l'imperiu acadiu.
  • Dómina babilónica: Circa 1.800 e.C., la ciudá estáu de Babilonia algama la hexemonía na rexón y creya l'imperiu homónimu.
  • Dómina asiria: Nel postreiru mileniu e.C. fúndase l'imperiu asiriu que se caltién dica la conquista persa de Mesopotamia, nu sieglu VI e.C.

Sociedá[editar | editar la fonte]

La sociedá yera piramidal col rey nu cimeiru, de siguíu diben los sacerdotes, después los funcionarios; ente los que destacaba la figura del escriba. Na base taban los campesinos, los artesanos y entá más abaxu los esclavos y las muyeres, dau que dambas clases yeran consideraes propiedaes. Pa regular esta sociedá fuertemente estruturada xurdíu'l primer códex llegal, el códigu d'Hammurabi.