Sumeria

De Uiquipedia
Saltar a: navegación, buscar
Early Dynastic-es.svg

Sumeria (o Shumer, Sumer, Shinar) ye una rexón al sur de l'antigua Mesopotamia, ente la boca de los ríos Éufrates y Tigris. Los sumerios tan consideraos como la primer y más antigua civilización del mundu. La so procedencia ye incierta y esisten numberoses hipótesis, anque les teoríes más series proponen el so orixe autóctonu con influencies esternes, probatiblemente procedentes de l'oeste de la India.

Protohistoria[editar | editar la fonte]

Al menos nun fueron los primeros pobladores de la fastera puesto que yá nel Neolíticu llocalícense nel Norte de Mesopotamia les cultures de Jarmo (6.700 - 6.500 a.C.), Hassuna (5.800 - 5.500 a.C.) y Samarra (5.600 - 5.000 a.C.) y nel Sur, El Obeid (5.000 - 3.750 a.C.),Uruk (3.750 - 3.150) y Jemdet Nasr (3.150 - 2.900).

Identifíquense rasgos suficientes yá n'El Obeid que cristalicen n'Uruk como pa considerar a ésti como l'entamu de la civilización sumeria. Uruk, la bíblica Erek y anguañu Warka, ye l' escenariu de descubrimientos fundamentales pa la hestoria de la humanidá: apaez la rueda pel 3.500 a.C. y la escritura nel 3.300 a.C. que ye la datación mas antigua de tablilles d'arcilla con escritura cuneiforme encontraes fasta la fecha.

Son estos rexistros escritos los que confirmen que los sumerios nun yeren un pueblu indoeuropéu nin semita. Asina lo demuestra la so llingua de tipu aglutinante.