Pelecanus erythrorhynchos

De Wikipedia
Saltar a navegación Saltar a la gueta
Pelecanus erythrorhynchos
Commons-emblem-notice.svg
 

Infobox animalia.png

Pelícanu blancu americanu
White pelican02 - natures pics.jpg
Adultu
Estáu de caltenimientu
Preocupación menor (LC)
Esmolición menor (IUCN)[1]
Clasificación científica
Reinu: Animalia
Filu: Chordata
Clas: Aves
Orde: Pelecaniformes
Familia: Pelecanidae
Xéneru: Pelecanus
Especie: P. erythrorhynchos
Gmelin, 1789
[editar datos en Wikidata]

El pelícanu blancu americanu (Pelecanus erythrorhynchos) ye una especie d'ave de la familia de los pelícanos (Pelecanidae). Ye bien grande (12–18 dm), con llurdios negros nes nales y un picu anaranxáu bien grande y anchu. El so valumbu ye d'aprosimao 3 m. Son bien gráciles en vuelu, moviendo les sos nales en lentos y poderosos golpes.

Al contrariu del pelicanu pardu (Pelecanus occidentalis), el blancu nun se somorguia pa cazar la so comida. Sicasí, practica la pesca cooperativa; cada ave come daqué de 1,5 kg de pexes per día, mayormente carpes Cyprinidae, Leuciscus cephalus, sardines, perques, pez gato, Seriola zonata.

Añeren en colonies de dellos centenares de casales n'islles de llagos d'agua duce de Norteamérica. Les colonies de anidación más norteñas pueden enontrarse n'islles, nos rabiones del ríu Slave ente Fort Fitzgerald (Alberta), y Fort Smith (Territorios del Noroeste). Cerca del 10-20% de la población usa la isla Gunnison nel Gran Llagu Saláu como territoriu de anidación. Les femes ovipositan 2 o 3 güevos en llixeres depresiones del suelu. Dambos proxenitores guaren.

Enviernen en California central y a lo llargo de les mariñes del Pacíficu de Guatemala; tamién nes sableres del Golfu de Méxicu.

La caza furtiva ye la causa más importante de mortalidá. Les colonies son sensibles a les molesties; y les visites d'humanos pueden causar que los pelícanos abandonen los sos niales.

Esta especie ta protexida pol Migratory Bird Treaty Act. En California, ye'l Departamentu de Caza y Pesca el que da estatus de proteición al traviés de la llista de Especies californianes d'especial interés (CSC, sigles n'inglés).

El nome científicu combina Pelecanus, llatín pa pelícanu, con erythrorhynchos, deriva del griegu erythros: colloráu, y rhynchos: picu.

Referencies[editar | editar la fonte]

  1. BirdLife International (2009). «Pelecanus erythrorhynchos» (inglés). Llista Roxa d'especies amenazaes de la UICN 2019. Consultáu'l 19 de payares de 2010.

Enllaces esternos[editar | editar la fonte]