Pedro Salinas

Pedro Salinas
profesor
Vida
Nacimientu	Madrid, 27  de payares de 1891
Nacionalidá	Colombia España
Fallecimientu	Boston, 4  d'avientu de 1951 (60 años)
Sepultura	Cementerio Santa María Magdalena de Pazzis (es)
Estudios
Estudios	Instituto San Isidro (es) Universidá de Sevilla
Llingües	castellanu
Oficiu
Oficiu	llingüista, poeta, escritor, traductor, profesor universitariu
Emplegadores	Universidá Johns Hopkins Wellesley College (es)
Movimientu	Xeneración del 27
Xéneru artísticu	poesía

Pedro Salinas y Serrano (Madrid 1891 - Boston 1951) foi un poeta español, miembru de la Xeneración del 27. Doctor en drechu y en lletres, ente 1914 y 1917 foi llector d'español en La Sorbona, en tornando pa España enseña nes universidaes de Sevilla y Murcia. En 1922 cola pa dar clases n'Oxford y dende 1923 tará nos Estaos Xuníos, d'u tornará en 1926 y pa collaborar col Centru d'Estudios Hestóricos que fundare Ramón Menéndez Pidal; en 1932 asoleya la revista lliteraria Índice Literario y en 1933 funda la Universidá Internacional de Santander. Tres la Guerra Civil española tien que s'esiliar y trabaya en numberoses universidaes de los Estaos Xuníos y Puertu Ricu.
La obra poético de Salinas suel dixebrase en tres etapes. La inicial, la de la plenitú y la del esiliu:

• La etapa inicial (1923-1932) ta marcada pola influyencia de la poesía puro de Juan Ramón Jiménez y carauterízase pola idea de depuración y perfeición poético y el protagonismu de los temes amorosos. Ente les obres destaquen Presagios (1923), Seguro azar (1929) y Fábula y signo (1931).
• La etapa de plenitú abarca hasta 1939 y fórmenla la triloxía amorosa La voz a ti debida (1933), Razón de amor (1936) y Largo lamento (1939).
• La etapa de l'esiliu ta formada por El contemplado (1946), estensu poema nel que dialoga col mar de San Xuan; Todo más claro y otros poemas (1949) y la so obra póstuma Confianza (1955), afirmación gozosa de la realidá vivío.
  

Ente la so obra narrativa destaca La bomba increyible (1950), novela sobro los horrores de la bomba atómica, y El desnudo impecable y otras narraciones (1951).

• Datos: Q379789
• Multimedia: Pedro Salinas
• Cites famoses: Pedro Salinas