Peacock (estrella)

De Wikipedia
Saltar a navegación Saltar a la gueta
Peacock (estrella)
Peacock
Llocalización de Peacock na constelación de Pavu.
Constelación Pavu
Ascensión reuta α 20h 35min 38,9s
Declinación δ -56° 44' 06
Distancia 183 ± 7 años lluz
Magnitú visual +1,91
Magnitú absoluta -1,81
Lluminosidá 2100 soles (bolométrica)
Temperatura 18.700 K
Masa 5 - 6 soles
Radiu 4,4 soles
Tipu espectral B2IV
Velocidá radial +2,0 km/s

Peacock ye'l nome de la estrella Alfa Pavonis (α Pav / HD 193924 / HR 7790). Con magnitú aparente +1,91 ye la más brillosa na constelación de Pavu; ta asitiada a 183 años lluz del Sistema Solar. El so nome, «pavu» n'inglés, foi asignáu na década de 1930 al crease The Air Almanac, un almanaque de saléu usáu pola Royal Air Force.

Peacock ye una estrella subxigante azul de tipu espectral B2IV y temperatura superficial de 18.700 K. Visualmente 450 vegaes más lluminosa qu'el Sol, al considerar la radiación ultravioleta qu'emite, la so lluminosidá algama 2100 vegaes la lluminosidá solar. Tien un radiu 4,4 vegaes mayor qu'el radiu solar y una masa ente 5 y 6 vegaes la del Sol, lo que trai que va rematar la so vida como una nana blanca. La velocidá de rotación midida, 39 km/s, ye baxa pa una estrella de les sos carauterístiques, lo qu'implica que la so exa de rotación ten de tar aprosimao empobináu escontra la Tierra.

Peacock ye una estrella binaria cercana, con un periodu orbital de 11,8 díes. La separación ente los dos componentes ye de 0,21 UA, la metá de la distancia esistente ente Mercuriu y el Sol.

Referencies[editar | editar la fonte]