Paul Henreid

De Wikipedia
Saltar a: navegación, buscar
Paul Henreid
Paul Henreid
Paul Henreid - publicity.jpg
Nome Paul Georg Julius Freiherr von Hernried Ritter von Wassel-Waldingau
Nacimientu Trieste
Muerte Santa Mónica
Causa de muerte Neumonía
Ocupación Actor de cine y teatru
[editar datos en Wikidata]

Paul Henreid (Paul Georg Julius Hernried Freiherr von Wassel-Waldingau: Trieste, 10 de xineru de 1908 - Santa Mónica, de California, 29 de marzu de 1992) foi un actor y direutor de cine y televisión. Solía apaecer en delles películes como Paul von Hernreid o Paul von Hernried. De xuru el so papel más destacáu foi na película Casablanca, na qu'interpretó al xefe de la resistencia antinazi Victor Laszlo.

Biografía y carrera[editar | editar la fonte]

Henreid yera fíu d'un aristocráticu banqueru vienés; nació na localidá turística de Trieste, entós perteneciente al Imperiu austrohúngaru y depués anexionada a Italia.

Formóse como actor de teatru en Viena y debutó n'escena so les ordes de Max Reinhardt. Empezó la so carrera nel cine nos años 30, actuando en películes alemanes, pero dexó Austria pa colase a Gran Bretaña onde siguió la so carrera, hasta que col españíu de la Segunda Guerra Mundial tarreció que fora deportáu o deteníu. Sicasí, Conrad Veidt medió por él y foi-y dexáu permanecer llibre n'Inglaterra.

En 1939, Henreid marcha a Hollywood pa realizar un pequeñu papel na primer versión de Adiós, Mr Chips de Sam Wood, y en 1942 apaez nos sos dos películes más importantes. Una ye Now, Voyager (La estraña pasaxera) de Irving Rapper, onde trabaya con Bette Davis y Claude Rains, onde protagoniza una famosa escena na qu'enciende dos pitos na mano unu pa él y otru pa ella. La otra película ye la güei llexendaria Casablanca de Michael Curtiz, interpretando a Victor Laszlo, l'heroicu líder de la resistencia anti-Nazi.

En 1946, Henreid adquier la nacionalidá estaunidense.

Paul Henreid apaeció en películes con regularidá mientres les décades de los cuarenta y cincuenta. Les sos interpretaciones más destacaes d'estos años son Pirates del Caribe (The Spanish Main, 1945) de Frank Borzage y con Maureen O'Hara de compañera de repartu, Of Human Bondage de Edmund Goulding (1946), Cantar d'amor (Song of Love, 1947) de Clarence Brown con Katharine Hepburn y onde interpreta a Robert Schumann, Serena de Bagdad (Siren of Bagdad, 1953) de Richard Quine, Never So Few con Frank Sinatra y Gina Lollobrigida, y Los cuatro caballeros del Apocalipsis (Four Horsemen of the Apocalypse, 1961) de Vicent Minnelli, basáu na novela de Vicente Blasco Ibáñez y onde interpretaba un rol bien paecíu al que realizara en Casablanca.

A partir de los años cincuenta amás de la so carrera como actor, empieza a dirixir películes tantu pal cine como pa la televisión. De les más d'una trentena de películes que dirixió cabo destacar Dead Ringer, de 1964 con Bette Davis, Karl Malden y Peter Lawford, onde la fía del direutor (Monika) realizó un pequeñu papel. Tamién dirixió pa la televisión dellos episodios de Alfred Hitchcock presenta, Maverick, Bonanza y The Big Valley.

En 1969, participó nuna adaptación de La Lloca de Chaillot, y en 1977 en Exorcista II: L'Herexe, remortina del esitosu filme de William Friedkin, que fracasó magar una estensa repartida qu'incluyía a Richard Burton y otres estrelles de Hollywood.

Paul Henreid finó'l 29 de marzu de 1992 en Santo Mónica, por causa de una neumonía. Ta soterráu nel campusantu de Woodlawn en Santa Monica, California.

Henreid tien dos estrelles nel Paséu de la Fama de Hollywood: una pol cine (6366 Hollywood Boulevard) y otra per televisión (1722 Vini Street).

Películes (como actor)[editar | editar la fonte]

  1. Exorcista II: L'Herexe (1977)
  2. Death Among Friends (1975) (TV)
  3. The Failing of Raymond (1971) (TV)
  4. París 7000 - Call Me Ellen (1970) episodiu de TV
  5. The Madwoman of Chaillot (1969)
  6. Judd for the Defense - An Elephant in a Cigar Box (1969) episodiu de TV
  7. It Takes a Thief - The Artist Is for Framing (1969) episodiu de TV
  8. Operation Crossbow (1965)
  9. Never So Few (1959)
  10. Holiday for Lovers (1959)
  11. Ten Thousand Bedrooms (1957)
  12. "Playhouse 90" - One Coat of White (1957) episodiu de TV.
  13. Pirates of Tripoli (1955)
  14. Deep in My Heart (1954)
  15. Dieres Lied bleibt bei Dir (1954)
  16. Siren of Bagdad (1953)
  17. Mantrap (1953)
  18. Dans la vie tout s'arrange (1952)
  19. A Stolen Face (1952)
  20. Thief of Damascus (1952)
  21. Pardon My French (1952)
  22. For Men Only (1952)
  23. Last of the Buccaneers (1950)
  24. So Young So Bad (1950)
  25. The Schumann Story (1950)
  26. Song of Love (1947)
  27. Engañu (Deception) (1946)
  28. Of Human Bondage (1946)
  29. Devotion (1946)
  30. The Spanish Main (1945)
  31. The Conspirators (1944)
  32. Between Two Worlds (1944)
  33. In Our Time (1944)
  34. Casablanca (1942)
  35. Now, Voyager (1942)
  36. Joan of Paris (1942)

Enllaces esternos[editar | editar la fonte]