OP Herculis

De Wikipedia
Saltar a navegación Saltar a la gueta
18-11-2004 00:00
Ficha d'oxetu celesteOP Herculis
Datos d'observación
Ascensión reuta (α) 269,20219416118 °[1]
Declinación (δ) 45,35084979448 °[1]
Distancia a la Tierra 276,3882 pc
Magnitú aparente (V) 6,32 (banda V)
Constelación Hércules (es) Traducir
Velocidá radial 10,55 km/s[3] y 10,55 km/s[3]
Parallax 3,6181 mas[1]
Otros nomes
Cambiar los datos en Wikidata

Coordenaes: Sky map 17h 56m 48.527s, 45° 21 3.059

OP Herculis (OP Her / HD 163990 / HR 6702)[4] ye una estrella variable na constelación d'Hércules de magnitú aparente media +6,34. Alcuéntrase aprosimao a 1000 años lluz del Sistema Solar.

OP Herculis ye una xigante o xigante lluminosa colorada de tipu espectral M5II-III[4] y 3300 K de temperatura.[5] Tocantes al so tamañu, ye una auténtica xigante con un radiu 140 vegaes más grande que'l radiu solar; si tuviera nel centru del Sistema Solar, la so superficie llegaría hasta'l 90% de la distancia esistente ente Venus y el Sol. La so masa ye'l doble de la masa solar[5] y tien una metalicidá comparable a la de la nuesa estrella.[6] Ye una estrella de tecneciu, lo que se revela pola presencia d'esti elementu nel so espectru.[7] Distintos estudios cifren la so magnitú bolométrica absoluta ente -4,1[5] y -4,92,[8] discrepancia qu'implica una diferencia na so lluminosidá de 3735 a 7940 vegaes la lluminosidá solar.

OP Herculis ye una variable pulsante semirregular SRB; éstes son xigantes con una periodicidá pocu definida, pero a les que se-y puede asignar un periodu mediu. Asina, el rellumu de OP Herculis fluctúa 0,9 magnitúes nun ciclu de 120,5 díes.

Ver tamién[editar | editar la fonte]

Referencies[editar | editar la fonte]

  1. 1,0 1,1 1,2 1,3 Afirmao en: Gaia DR2. Llingua de la obra o nome: inglés. Data de publicación: 25 abril 2018.
  2. Afirmao en: Catalogue of Stellar Photometry in Johnson's 11-color system. Llingua de la obra o nome: inglés. Data de publicación: 2002.
  3. 3,0 3,1 B. Famaey (xineru 2005). «Local kinematics of K and M giants from CORAVEL/Hipparcos/Tycho-2 data» (n'inglés). Astronomy and Astrophysics (1):  páxs. 165–186. doi:10.1051/0004-6361:20041272. 
  4. 4,0 4,1 OP Herculis - Semi-regular pulsating Star (SIMBAD)
  5. 5,0 5,1 5,2 Cunha, Katia; Sellgren, Kris; Smith, Verne V.; Ramirez, Solange V.; Blum, Robert D.; Terndrup, Donald M. (2007). «Chemical Abundances of Luminous Cool Stars in the Galactic Center from High-Resolution Infrared Spectroscopy». The Astrophysical Journal 669 (2). pp. 1011-1023. http://adsabs.harvard.edu/cgi-bin/bib_query?arXiv:0707.2610. 
  6. Cenarro, A. J.; Peletier, R. F.; Sánchez-Blázquez, P.; Selam, S. O.; Toloba, E.; Cardiel, N.; Falcón-Barroso, J.; Gorgas, J.; Jiménez-Vicente, J.; Vazdekis, A. (2007). «Medium-resolution Isaac Newton Telescope library of empirical spectra - II. The stellar atmospheric parameters». Monthly Notices of the Royal Astronomical Society 374 (2). pp. 664-690. http://cdsads.u-strasbg.fr/cgi-bin/nph-bib_query?2007MNRAS.374..664C&db_key=AST&nosetcookie=1. 
  7. OP Herculis (The Bright Star Catalogue)
  8. Guandalini, R.; Busso, M. (2008). «Infrared photometry and evolution of mass-losing AGB stars. II. Luminosity and colors of MS and S stars». Astronomy and Astrophysics 488 (2). pp. 675-684. http://adsabs.harvard.edu/cgi-bin/bib_query?arXiv:0806.4591. 

Coordenaes: Sky map 17h 56m 48.527s, 45° 21 3.059