Murzim

De Wikipedia
Saltar a navegación Saltar a la gueta
Murzim
Murzim
Constelación Can Mayor
Ascensión reuta α 06h 22min 42,00s
Declinación δ -17º 57’ 21,3’’
Distancia 500 años lluz
Magnitú visual +1,98
Magnitú absoluta -3,95
Lluminosidá 34.000 soles (bolométrica)
Temperatura 25.800 K
Masa 15 soles (aprox)
Radiu 12 soles
Tipu espectral B1II-III
Velocidá radial +34 km/s
Otros nomes HD 44743 / HR 2294
HIP 30324 / SAO 151428

Murzim (β CMa / β Canis Majoris / 2 Canis Majoris),[1] tamién llamada Mirzam o Murzam, ye la cuarta estrella más brillosa de la constelación del Can Mayor, detrás de Siriu (α Canis Majoris), Adhara (ε Canis Majoris) y Wezen (δ Canis Majoris). Alcuéntrase a 500 años lluz de distancia del Sistema Solar.

Nome[editar | editar la fonte]

Murzim, Mirzam o Murzam son nomes provenientes del árabe مرزم, «l'heraldu», probablemente n'alusión a la so posición precediendo la salida de Siriu pol horizonte.[2] Tamién yera conocida por Al Kalb, «el perru», corriendo delantre de Siriu, un nome d'antiguo utilizáu nel desiertu.[3] En China yera llamada Kuen She, «el mercáu de los soldaos».[3]

Carauterístiques físiques[editar | editar la fonte]

Catalogada como xigante azul de tipu espectral B1II-III,[1] Murzim ye una estrella caliente con una temperatura superficial de 25.800 K. La so lluminosidá ye 34.000 vegaes mayor que la del Sol, y como asocede n'estrelles de los tipos O y B baxos, una parte importante d'esta radiación ye emitida na rexón ultravioleta. El so radiu ye 12 vegaes más grande qu'el radiu solar y, con una masa en redol a 15 mases solares, Murzim probablemente ye más una subxigante qu'una verdadera xigante, una estrella a puntu de concluyir la fusión nuclear del so hidróxenu internu.[4] La so edá actual envalórase en 14,9 millones d'años.[5] Dada la so elevada masa, el so destín últimu ye terminar españando como supernova.[4]

Murzim ye una estrella variable Beta Cephei, que'l so rellumu bazcuya ente magnitú aparente +1,95 y +2,00 nun periodu de seis hores. Esta variación paez tar rellacionada col final de la fusión del hidróxenu y con cambeos na estructura interna de la estrella. Ye la más brillosa d'esti tipu de variables, polo qu'a estes estrelles tamién-y les llamó variables Beta Canis Majoris.[4]

Fai 4.356.000 años —nel pliocenu— producióse'l máximu acercamientu de Murzim al Sistema Solar. Distante entós namái 35 años lluz, el so rellumu algamó magnitú aparente -3,78, siendo muncho más brillosa que Siriu (α Canis Majoris) na actualidá.[6]

Ver tamién[editar | editar la fonte]

Referencies[editar | editar la fonte]