Martha Mansfield

De Wikipedia
Saltar a navegación Saltar a la gueta
Martha Mansfield
Martha Mansfield35mm film frames.svg
Marthamansfield.jpg
Vida
Nacimientu

Nueva York14  de xunetu de 1899

[2]
Nacionalidá Bandera de Estaos Xuníos d'América Estaos Xuníos
Muerte

San Antonio30  de payares de 1923

[2] (24 años)
Sepultura Cementerio Woodlawn (es) Traducir
Causa de la muerte accidente
Oficiu
Oficiu actriz, baillarina, modelu, actriz de teatruactriz de cine
IMDb nm0543806
Cambiar los datos en Wikidata
Martha Mansfield y John Barrymore en Dr. Jekyll and Mr. Hyde (1920)

Martha Mansfield (14 de xunetu de 189930 de payares de 1923) foi una actriz de vodevil y cinematográfica de nacionalidá estauxunidense, activa na dómina del cine mudu.

Primeros años[editar | editar la fonte]

El so verdaderu nome yera Martha Ehrlich, y nació en Nueva York, Estaos Xuníos, siendo los sos padres Maurice y Harriett Gibson Ehrlich. Ella tenía una hermana menor, Edith, nacida en 1905.[3] Anque munches biografíes afirmen que Martha nació en Mansfield, Ohio, el so certificáu de nacencia y de fallecimientu caltienen que nació en Nueva York. Sicasí, la so madre, Harriet, yera de Mansfield, onde llegara en 1885 n'emigrando dende Irlanda. Martha adoptó darréu como nome artísticu'l de dicha ciudá.[3][4]

Carrera[editar | editar la fonte]

A los 14 años d'edá taba determinada a ser actriz. Ella primió pa llograr un papel nuna producción de Muyerines representada nel circuitu de Broadway en 1912, que finalmente consiguió. Amás d'actriz, Mansfield trabayó tamién como modelu artística y como baillarina, actuando nel musical Hop o'My Thumb en 1913.[3]

Col nome de "Martha Early" foi contratada pa trabayar seis meses colos Essanay Studios en 1917, actuando en tres film col actor francés Max Linder. En 1918 trabayó nel espectáculu Ziegfeld Follies, y esi mesmu añu fixo'l so primer llargumetraxe, Broadway Bill, xunto a Harold Lockwood. A principios de 1919 Mansfield anunció que decidiera dedicase totalmente al cine y, enantes de camudase a la mariña oeste, fixo primeros papeles en cintes producíes por Famous Players-Lasky, ente que n'ochobre volvió actuar nun show de Florenz Ziegfeld, The Midnight Frolic.[5]

La so primer película rodada en Hollywood foi Civilian Clothes (1920), dirixida por Hugh Ford. Mansfield ganó fama cola interpretación de Millicent Carew (papel ufiertáu nun principiu a Tallulah Bankhead) na adautación al cine de Dr. Jekyll and Mr. Hyde, película protagonizada por John Barrymore. Darréu foi contratada por Selznick International Pictures, compañía pa la cual trabayó con Eugene O'Brien en The Perfect Lover (1919). En 1921 Mansfield volvió a les tables faciendo una xira de vodevil, y al añu siguiente actuó en dos filmes independientes, Queen of the Moulin Rouge y Till We Meet Again, pasando'l restu del añu en xira pol circuitu de vodevil.[6]

En 1923 Mansfield remató'l so contratu con Selznick, empecipiando unu nuevu con Fox Film Corporation. El so primer filme pa Fox foi The Silent Command, protagonizáu por Edmund Lowe y Béla Lugosi.[7] Los últimos llargumetraxes que completó na so curtia carrera fueron Potash and Perlmutter y The Leavenworth Case, dambos de 1923.[8]

Muerte[editar | editar la fonte]

Mansfield nuna fotografía ensin fechar

El 29 de payares de 1923, mientres trabayaba en San Antonio, Texas, na película The Warrens of Virginia, Mansfield sufrió graves quemadures cuando una cerilla prendió fueu al so vistíu de grandes faldes y volantes sonces propiu de la dómina de la Guerra de Secesión. Mansfield faía'l papel de Agatha Warren y acababa de filmar les sos escenes cuando la so ropaje prendió. Nun se quemar la cara y el pescuezu gracies a que Wilfred Lytell -y hechó percima'l so pesáu abrigu. El fueu foi apagáu, pero ella sufrió graves quemadures nel cuerpu.[9]

Anque foi treslladada rápido a un hospital, Martha Mansfield finó menos de 24 hores dempués por causa de les quemadures nes estremidaes, una bacteremia y una insuficiencia renal.[10] Tenía 24 años d'edá. Acompañáu pol actor Phillip Shorey, el cadabre foi lleváu al so natal Nueva York,[8] siendo soterráu nel Campusantu Woodlawn, nel Bronx.[11]

Nunca pudo determinase con exactitú quien tiró la cerilla que quemó'l vistíu de Mansfield.[10] Cuando finalmente estrenóse The Warrens of Virginia a finales de 1924, el papel de Mansfield suprimiérase, y Rosemary Hill pasó a interpretar el primer personaxe femenín.[12]

Filmografía[editar | editar la fonte]

Añu Títulu Papel Notes
1917 Max Comes Across Curtiu
1917 Max Wants a Divorce La muyer de Max Curtiu
1917 Max in a Taxi Curtiu
1918 Broadway Bill Muriel Latham
1918 The Spoiled Girl Curtiu
1919 The Hand Invisible Katherine Dale
1919 The Perfect Lover Mavis Morgan
1919 Should a Husband Forgive?
1920 A Social Sleuth Curtiu
1920 Women Men Love Ruth Gibson
1920 Mothers of Men Paulette
1920 Dr. Jekyll and Mr. Hyde Millicent Carewe
1920 Civilian Clothes Florence Lanham
1920 The Wonderful Chance Peggy Winton
1921 His Brother's Keeper Helen Harding
1921 Gilded Lies Hester Thorpe
1921 The Last Door Helen Rogers
1921 A Man of Stone Lady Fortescue
1922 Queen of the Moulin Rouge Rosalie Anjou
1922 Till We Meet Again Henrietta Carter
1923 Is Money Everything? Mrs. Justine Pelham
1923 The Woman in Chains Claudia Marvelle
1923 Youthful Cheaters Lois Brooke
1923 Little Red School House Mercy Brent
1923 Fog Bound Mildred Van Buren
1923 The Silent Command Peg Williams, la vamp
1923 Potash and Perlmutter La modelu principal
1923 The Leavenworth Case Mary Leavenworth
1924 The Warrens of Virginia Agatha Warren Estrenada a títulu póstumu

Referencies[editar | editar la fonte]

  1. 1,0 1,1 Afirmao en: SNAC. Identificador SNAC Ark: w6168vsw. Apaez como: Martha Mansfield. Data de consulta: 9 ochobre 2017. Llingua de la obra o nome: inglés.
  2. 2,0 2,1 Afirmao en: autoridaes BNF. Identificador BnF: 16181120z. Apaez como: Martha Mansfield. Autor: Biblioteca Nacional de Francia. Llingua de la obra o nome: francés.
  3. 3,0 3,1 3,2 Ankerich, Michael G. (2010). Dangerous Curves atop Hollywood Heels: The Lives, Careers, and Misfortunes of 14 Hard-Luck Girls of the Silent Screen. BearManor, 236. ISBN 1-59393-605-2.
  4. Ankerich 2010 p.239
  5. Ankerich 2010 pp.237-238
  6. Ankerich 2010 p.240
  7. Ankerich 2010 p.242
  8. 8,0 8,1 «Burns Are Fatal To Star Of Film». The Milwaukee Sentinel:  p. 8. 1 d'avientu de 1923. https://news.google.com/newspapers?id=_KNRAAAAIBAJ&sjid=NQ8EAAAAIBAJ&pg=6092,1980320&dq=martha+mansfield+burns&hl=en. Consultáu 'l 13 de febreru de 2013. 
  9. «Martha Mansfield, Movie Star, Dies As The Result Of Burns». Meriden Morning Record:  p. 1. 1 d'avientu de 1923. https://news.google.com/newspapers?id=P5FHAAAAIBAJ&sjid=yf4MAAAAIBAJ&pg=6369,7429&dq=martha+mansfield+death&hl=en. Consultáu 'l 13 de febreru de 2013. 
  10. 10,0 10,1 Ankerich 2010 p.243
  11. Ankerich 2010 p.244
  12. Golden, Eve (2001). Golden Images: 41 Essays on Silent Film Stars. McFarland Publishing, USA, 229. ISBN 0786408340.

Enllaces esternos[editar | editar la fonte]