Laothoe populi

De Wikipedia
Saltar a navegación Saltar a la gueta
Commons-emblem-notice.svg
 
Laothoe populi
Laothoe populi.jpg
Clasificación científica
Reinu: Animalia
Filu: Arthropoda
Clas: Insecta
Orde: Lepidoptera
Familia: Sphingidae
Xéneru: Laothoe
Especie: L. populi
(Linnaeus, 1758)
[editar datos en Wikidata]

Laothoe populi ye un lepidópteru perteneciente a la familia Sphingidae. [1][2][3]

Distribución[editar | editar la fonte]

Puede atopase na rexón paleártica occidental (incluyendo toa Europa) y central hasta Turquestán. Na Península Ibérica ta ausente na gran mayoría de la zona meridional. Pueden estremase dos subespecies.

Descripción[editar | editar la fonte]

Güevos[editar | editar la fonte]

Los güevos son llargos, esféricos, de color verde maciu, polencos, puestos individualmente o en pareyes nel viesu de fueyes de múltiples especies vexetales. Les femes pueden poner una media de 200 güevos.

Canesba[editar | editar la fonte]

Gata de Laothoe populi

La gata puede llegar a los 85 mm. Puede tener distintes formes, xeneralmente siendo verde con llurdios blancos o marielles, con llinies oblicues tamién blanques o marielles y una postrera acabada na cola, verdosa o amarellentada. Como característica principal puede señalase la so forma robusto y gordoso.

Pupa[editar | editar la fonte]

Tien unos 2 o 3 cm y presenta un cremáster curtiu.

Imago[editar | editar la fonte]

cópula  dosde apréciase la diferencia de color de les nales dambos sexos of Laothoe populi

El so valumbu alar ye d'unos 70 a 100 mm. La cabeza, el tórax y l'abdome son de color marrón claru. Les nales anteriores tienen diverses tonalidaes marrones que formen franxes ondulaes escures sobre fondos claros. Tien un llurdiu blancu sobre la celda. Les nales posteriores tienen el mesmu color, sacante na zona basal, que ye acoloratada. N'estáu de reposu, les nales posteriores amuésense visibles sobresaliendo pela parte cimera de les anteriores. Les sos formes asonsañen les d'una fueya seca.

Hábitat[editar | editar la fonte]

Estes poliyes prefieren los llugares onde crezan chopos o sauces, como montes de ribera o parques. Mientres el día caltiense perfectamente despinta ente les yerbes o los tueros de los árboles. La gata aliméntase principalmente de Populus y Salix, anque tamién puede alimentase de Fraxinus, Quercus, Betula, Alnus, Rosa, Crataegus, Cotoneaster, Malus, Laurus y, n'España, tamién Ulmus.

Periodu de vuelu[editar | editar la fonte]

Xeneralmente, la Laothoe populi presenta dos xeneraciones ente mayu y setiembre. La primera d'elles vuela a finales de primavera y la segunda mientres tol branu. En rexones más fríes namái hai una, ente que nes más templaes pueden haber hasta trés. Realiza la envernía como una pupa nuna cápsula so tierra.

Comportamientu[editar | editar la fonte]

La imago tien una espiritrompa atrofiada, cosa que-y torga consumir néctar y alimentase. Esto fai que solo pueda vivir unos pocos díes, tiempu que tien d'aprovechar p'atopar pareya y poner güevos. Suel ser víctima de múltiples parasitoides de la familia Ichneumonidae, Braconidae, Eulophidae, Trichogrammatidae, Scelionidae y Tachinidae.

Sinonimia[editar | editar la fonte]

  • Sphinx populi Linnaeus, 1758
  • Sphinx tremulae Borkhausen, 1793
  • Merinthus palustris Holle, 1865
  • Smerinthus borkhauseni Bartel, 1900
  • Smerinthus roseotincta Reuter, 1893
  • Amorpha populi angustata (Closs, 1916)
  • Amorpha populi depupillatus (Silbernagel, 1943)
  • Amorpha populi flavomaculata Mezger, 1928
  • Amorpha populi lappona Rangnow, 1935
  • Amorpha populi pallida Tutt, 1902
  • Amorpha populi philiponi Huard, 1928
  • Amorpha populi suffusa Tutt, 1902
  • Laothoe populi albida Cockayne, 1953
  • Laothoe populi basilutescens Cockayne, 1953
  • Laothoe populi bicolor (Lempke, 1959)
  • Laothoe populi minor (Vilarrubia, 1973)
  • Laothoe populi moesta Cockayne, 1953
  • Laothoe populi pallida Newnham, 1900
  • Merinthus populi salicis Holle, 1865
  • Smerinthus populi cinerea-diluta Gillmer, 1904
  • Smerinthus populi decorata Schultz, 1903
  • Smerinthus populi ferruginea-fasciata Gillmer, 1904
  • Smerinthus populi ferruginea Gillmer, 1904
  • Smerinthus populi fuchsi Bartel, 1900
  • Smerinthus populi grisea-diluta Gillmer, 1904
  • Smerinthus populi grisea Gillmer, 1904
  • Smerinthus populi pallida-fasciata Gillmer, 1904
  • Smerinthus populi rectilineata Klemensiewicz, 1912
  • Smerinthus populi rufa-diluta Gillmer, 1904
  • Smerinthus populi rufa Gillmer, 1904
  • Smerinthus populi rufescens (de Selys-Longschamps, 1857)
  • Smerinthus populi rufescens Fuchs, 1889
  • Smerinthus populi subflava Gillmer, 1904
  • Smerinthus populi violacea Newnham, 1900

Referencies[editar | editar la fonte]

Enllaces esternos[editar | editar la fonte]