Ivy Mike

De Wikipedia
Saltar a navegación Saltar a la gueta
Nube d'hongu aniciada pola esplosión de Ivy Mike.
Bola de fueu emerxente, aniciada pola esplosión de Ivy Mike.

Ivy Mike (31 d'ochobre de 1952) foi la primera bomba d'hidróxenu (bomba termonuclear de fusión nuclear).

Historia[editar | editar la fonte]

Foi españada a les 7:15 (hora local) del 1 de payares de 1952, o a les 19:15 del 31 d'ochobre (hora mundial). Produció 10,4 megatones, una fuerza aprosimao 650 vegaes más grande que la de les armes desenvueltes por Robert Oppenheimer mientres la Segunda Guerra Mundial.

Formó parte, al pie de la prueba nuclear de Ivy King (de 0,5 Mt), de la Operación Ivy.

El diseñu de la bomba (diseño Teller-Ulam) foi'l primer diseñu d'una bomba termonuclear o de hidróxenu. Pola complexidá del so diseñu y por ser la primera, tuvo una cabina especial na cual allugábense'l dispositivu y la maquinaria necesaria pa faelo funcionar con ésitu. El dispositivu foi diseñáu pol físicu Richard Garwin.

Amás d'eso, foi'l primer dispositivu termonuclear lleváu a cabu a toa escala (Fullscale Thermonuclear Device en inglés). Foi españáu en Enewetak, un atolón de les Islles Marshall.

Xeneró una bola de fueu de 5 km de diámetru y una nube d'hongu d'unos 17 km d'altu en menos de 90 segundos de la so detonación. Dexó un cráter de 1,9 km de diámetru y 50 m de fondura onde taba la isla Elugelab (parte del atolón de Enewetak), que sumió por completu.

Galería[editar | editar la fonte]

Enllaces esternos[editar | editar la fonte]


Ivy Mike