Islles Paracelso

De Wikipedia
Saltar a navegación Saltar a la gueta
Islles Paracelso

Les Islles Paracelso[1] o Islles Paracel[cita [ensin referencies], o d'antiguo, y de forma más correcta, Islles del Placel, (en Chinu: 西沙群島/ en pinyin: Xīshā Qúndǎo; vietnamita: Quần đảo Hoàng Sa/ 群島黃沙) son un grupu d'islles y petones nel Mar de China Meridional.[ensin referencies] Son parte de les Islles del Mar de la China Meridional, aprosimao a un terciu de la distancia dende Vietnam central al norte de Filipines. La so soberanía disputenla Vietnam y China.[2]

Xeografía[editar | editar la fonte]

Posición relativa

Conflictu ente China y Vietnam[editar | editar la fonte]

Antes de 1932, les Islles Paracelso apaecíen nos mapes de China de la Dinastía Qing y la República de China, amás d'en mapes vietnamites de la Dinastía Nguyen. Esi añu la Indochina francesa se anexiona les islles, estableciendo una estación meteorolóxica na Isla Pattle. En 1939 Xapón invade y ocupa les islles. Tres la derrota de Xapón na Segunda Guerra Mundial, la Declaración d'El Cairu y la Declaración de Potsdam conceden el control de les islles a la República de China. Tres la retirada francesa en 1956, Vietnam del Sur sustitúi a Francia como reclamante de la soberanía nes islles. En 1974 tropes de la República Popular de China ocupen les Islles Paracelso ganando a una guarnición sudvietnamita na batalla de Hoang Sa. Les islles son reclamaes pola República de China (Taiwán) y pola República Socialista de Vietnam. Xuntu a les Spratly, China considera les Islles Paracelso como parte de la Provincia de Hainan. En 1997, China anunció que pensaba abrir les islles al turismu, construyendo de siguío dos talos puertos na Isla Woody y na Isla Duncan, amás d'un aeropuertu.[cita [ensin referencies]

Protestes antichinas en Hanoi (mayu 2014).

En mayu de 2014 producióse un españíu de violencia antichina en Vietnam — hubo dellos muertos y centenares de mancaos provocáu pola instalación pola empresa estatal china CNOOC d'una plataforma petrolera nes agües de les islles oxeto de disputa ente los dos países. Les autoridaes chines respondieron reafitando la so soberanía y asegurando que «la plataforma va siguir funcionando». El diariu semioficial chinu Global Times llegó a amenaciar col usu de la fuerza pa poner fin a lo que calificaba de «prevocación de Vietnam» yá que «si China nun amuesa la so potencia, la so determinación en defender la integridá territorial va ser a la fin subestimada». Pela so parte el primer ministru vietnamita Nguyen Tan Dung y el presidente de la República Truong Tan Sang animaron a los sos compatriotes a allegar pacíficamente a les manifestaciones en defensa «de la sagrada soberanía del país» que se convocaren pa los díes siguientes. En previsión de que se produxeren nuevos incidentes violentos delles empreses multinacionales cerraron temporalmente les sos instalaciones.[2]

Referencies[editar | editar la fonte]

  1. Salvador Salinas: Atlas de geografía universal, Madrid, Litografia Fernández, 1951
  2. 2,0 2,1 Isidre Amorós, "China advierte a Vietnam que 'no cederá ni un centímetro de terreno'", La Vanguardia, 17 de mayo de 2014.

Enllaces esternos[editar | editar la fonte]