Islla Palmerston

Islla Palmerston
Situación
Mar	océano Pacífico del Sur (es)
Tipu	grupu d'islles
Parte de	Southern Cook Islands (en)
Asitiáu en	Océanu Pacíficu
Coordenaes	18°04′S 163°10′W / 18.07°S 163.17°O
	Islla Palmerston Islla Palmerston (Islles Cook)
Datos
Altitú media	6 m
Superficie	2,1 km²

La islla Palmerston ye'l nome d'un atolón de coral nes Islles Cook (Nueva Zelanda), nel océanu Pacíficu, a 500 km al noroeste de Rarotonga. Anque se considera del grupu norte de les islles Cook, ta asitiáu nel mediu de los dos grupos. ^[1]

Les sos coordenaes son: 18º 4' S 163º 10' O.

L'atolón consta de seis islles de sable: Palmerston o Home Island, North Island, Leicester, Primrose, Tom's y Cook's. L'altitú máxima ye un cuetu de sable de 6 m denomináu El Monte (The Mountain). La superficie total ye de 2,1 km².

Palmerston foi descubiertu en 1774 pol inglés James Cook que lo denominó con esa nome n'honor del Primer Lord del Almirantalgu, Lord Palmerston. L'atolón taba despobláu, anque s'atoparen delles tumbes y ferramientes pre-europees. Yera conocíu poles islles vecines col nome d'Avarau que significa «doscientes canales» en referencia a les canales que traviesen los petones dende l'océanu a la llaguna, anque pocos d'ellos son navegables.

El 1862 establecióse'l carpinteru William Masters coles sos tres esposes maorís de Manuae. Güei la mayoría de la población lleva l'apellíu Masters o Marsters, que s'estendió por emigración a Rarotonga y Nueva Zelanda.

Como ocurrió coles Islles Pitcairn, los descendientes son mestizos británicos y polinesios que tienen como primer llingua l'inglés, nesti casu con acentu de Gloucester, d'onde yera orixinariu William Masters.

Nel censu del 2001 la población total yera de 62 pobladores. Toos viven na islla Palmerston que ta estremada en trés zones, una por cada esposa de William Masters y los sos descendientes.

Referencies

↑ Islla Palmerston, (n'inglés)

Enllaces esternos

Isla Palmerston (n'inglés)
BBC Mundo / Thomas Martienssen - Palmerston, ¿cómo se vive na islla más remota del mundu?

[1] Islla Palmerston, (n'inglés)

[1]