Herbert George Wells
Herbert George Wells (21 de setiembre de 1866 – 13 d'agostu de 1946) foi un escritor británicu.
Biografía[editar | editar la fonte]
Nació en Bromley, guei incluyíu nel Gran Londres. Los sos pas yeran criaos qu'afitaren un pequeñu negociu, magar que so pá tamién xugaba profesionalmente al críquet. En 1874, pola mor d'una frayadura nuna pierna, Wells tuvo que pasar un tempu na cama, nesi tiempu aficionóse a la lectura. En 1877 so pá sufrió una lesión que-y apartó del críquet, colo que Wells, pa echar un gabitu na economía familiar, emplegóse como guah.e nuna tienda. En 1883 entamó a trabayar como maestru na Midhurst Grammar school hasta que consiguió una bolsa d'estudios na Escuela de Ciencies de Londres, onde estudia bioloxía con T.H. Huxley y participa nel debate políticu, averándose al socialismu de la Sociedá Fabiana. Foi ún de los fundadores del periódicu de la escuela, The Science School Journal. En 1887 perdió la beca al suspender xeoloxía y cola pa con una tía de so. En 1891, cásase cola día d'esta, pero trés años depués déxala por una alumna, Amy Catherine, cola que tuvo dos fíos. Wells tuvo rellaciónes tamién cola feminista Margaret Sanger y coles escritores Amber Reeves y Rebecca West.
Obra[editar | editar la fonte]
En 1888 asoleya el so primer rellatu, The Chronic Argonauts, en The Science School Journal, pero foi con The Time Machine (La máquina del tiempu) (1895), The Island of Dr. Moreau (La islla del doutor Moreau), The Invisible Man (L'home invisible) (1896) y The War of the Worlds (La guerra de los mundos) (1898) coles que algama popularidá. Con nidia influyencia de Jules Verne, trata temes que se convertirán en clásicos de la ciencia-ficción, como la fantasía científica, el cuestionamentu de la propia humanidá o la invasión extraterrestre. Escribió tamién una serie de noveles utópiques como In the Days of the Comet o The Shape of Things to Come
Obres traducíes al asturianu[editar | editar la fonte]
- La máquina del tiempu (The Time Machine): Traducción de Pablo Antón Marín Estrada. Llibros del Pexe (1993) ISBN 84-97259-49-9
Enllaces esternos[editar | editar la fonte]
- H. G. Wells Society (n'inglés)
- The Wellsian, periódicu de la H. G. Wells Society (n'inglés)
