HR Pegasi

De Wikipedia
Saltar a navegación Saltar a la gueta
HR Pegasi
HR Pegasi
Constelación Pegasu
Ascensión reuta α 22h 54min 35,6s
Declinación δ +16º 56’ 31’’
Distancia 974 años lluz (aprox)
Magnitú visual +6,47 (media)
Magnitú absoluta -1,10
Lluminosidá 6800 soles
Temperatura 3500 K
Radiu 125 soles
Tipu espectral S5,1
Velocidá radial +11,1 km/s

HR Pegasi (HR Peg / HD 216672 / HR 8714 / HIP 113131)[1] ye una estrella variable na constelación de Pegasu de magnitú aparente media +6,47. Alcuéntrase a daqué menos de 1000 años lluz del Sistema Solar.

HR Pegasi ye una fría xigante de tipu espectral S[1] con una temperatura efectivo de 3500 K.[2] La midida del so diámetru angular, 3,88 milisegundos d'arcu,[3] conduz a un radiu 125 vegaes más grande qu'el radiu solar. Tien una metalicidá inferior a la del Sol, siendo la so bayura relativa de fierro un 60% de la esistente na nuesa estrella.[2] Con una magnitú bolométrica absoluta de -4,75,[4] la so lluminosidá ye 6800 ~ vegaes superior a la lluminosidá solar. Nel so espectru detectóse la presencia de tecneciu, elementu del procesu-s de curtia vida producíu por nucleosíntesis estelar.[5]

HR Pegasi ye una variable pulsante semirregular SRB; éstes son xigantes con una periodicidá pocu definida, pero a les que se-y puede asignar un periodu mediu. Pa HR Pegasi paez esistir un llargu periodu de 641 díes en banda B, R ya I, con una duración entá mayor en banda V. Tamién ta presente un segundu periodu de menor amplitú que la so duración ye de 54,4 ± 0,4 díes.[6]

Ver tamién[editar | editar la fonte]

Referencies[editar | editar la fonte]