HR 4523

De Wikipedia
Saltar a navegación Saltar a la gueta
HR 4523
HR 4523 A
Constelación Centaurus
Ascensión reuta α 11h 46min 31,07s
Declinación δ -40º 30’ 01,3’’
Distancia 30,1 ± 0,2 años lluz
Magnitú visual +4,89
Magnitú absoluta +5,06
Lluminosidá 0,82 soles
Temperatura 5650 K
Masa 0,85 soles
Radiu 0,96 soles
Tipu espectral G2V
Velocidá radial +15,3 km/s

HR 4523 (HD 102365 / HIP 57443) ye una estrella binaria de magnitú aparente +4,89 na constelación de Centaurus, asitiada al noroeste de δ Centauri. Alcuéntrase a 30,1 años lluz de distancia del Sistema Solar, siendo V857 Centauri y Gliese 433 —a 4,3 y 4,4 años lluz respeutivamente—, les estrelles conocíes más cercanes a ella.[1]

La componente principal, HR 4523 A (LHS 311 / GJ 442 A), ye una nana mariella de tipu espectral G2V[2] y 5650 ± 100 K de temperatura efectivo. De menor masa qu'el Sol —la so masa envalórase en 0,85 mases solares—, tien un tamañu llixeramente más pequeñu qu'ésti. Xira sobre sigo mesma con una velocidá de rotación proyeutada de namái 0,3 km/s.[3] La so lluminosidá equival al 82% de la lluminosidá solar y la so metalicidá ye significativamente menor que la del Sol, ente un 20 y un 33% de la mesma. Nun amuesa actividá cromosférica y paez ser una estrella muncho más antigua que'l Sol, con una edá de más de 9000 millones d'años.[1] Considerada miembru del Grupu de Épsilon Indi, lo más probable ye que sía una intrusa dientro del mesmu, una y bones la estrella ye más antigua y tien una composición distinta a la d'otros miembros.[4]

La componente secundaria, HR 4523 B (LHS 313 / GJ 442 B), ye una nana colorada de tipu M4[5] con una masa envalorada igual al 7% de la masa solar y una lluminosidá de 7 cenmilésimes de la del Sol. La separación media ente les componentes A y B ye d'unes 235 UA, casi 8 vegaes la distancia esistente ente Neptunu y el Sol.

Sistema planetariu[editar | editar la fonte]

En 2011 afayóse un planeta estrasolar n'órbita alredor de la estrella principal del sistema. Denomináu HD 102365 b, tien una masa 16 vegaes mayor que la masa terrestre. Muévese a una distancia media de 0,46 UA al respective de HR 4523 A, nuna órbita considerablemente escéntrica (ε = 0,34) que completa en 122 díes.[6]

El planeta paez tar aislláu, nun esistiendo planetes adicionales con una masa mínimo ≥ 0,3 vegaes la masa de Xúpiter a una distancia de la estrella igual o inferior a 5 UA.[7]

Acompañante
(N'orde dende la estrella)
Masa
(MJ)
Periodu orbital
(díes)
Semiexe mayor
(UA)
Escentricidá
HD 102365 b > 0,05 ± 0,008 122,1 ± 0,3 0,46 ± 0,04 0,34 ± 0,14

Ver tamién[editar | editar la fonte]

Referencies[editar | editar la fonte]