Gliese 433

De Wikipedia
Saltar a navegación Saltar a la gueta
Gliese 433
Gliese 433
Constelación Hidra
Ascensión reuta α 11h 35min 26,95s
Declinación δ -32º 32’ 23,9’’
Distancia 29,3 años lluz
Magnitú visual +9,79
Magnitú absoluta +8,49
Temperatura 3472 K
Lluminosidá 0,031 soles
Masa 0,48 soles
Radiu 0,50 soles
Tipu espectral M1.5V
Otros nomes LHS 2429 / HIP 56528
SAO 202602 / CD-31 9113

Gliese 433 (GJ 433 / HIP 56528)[1] ye una estrella na constelación d'Hidra que s'alcuentra a 51 minutos d'arcu de ξ Hydrae. De magnitú aparente +9,79, nun ye observable a simple vista. Conozse la esistencia de dos planetes estrasolares n'órbita alredor d'esta estrella.

Gliese 433 ta asitiada a 29,3 años lluz del Sistema Solar. Al igual que la mayor parte de les estrelles de la nuesa redolada, ye una nana colorada, siendo la so tipu espectral M1.5V. Tien una temperatura efectivo de 3472 K[2] —anque otra fonte ufierta una cifra mayor de 3600 K—[3] y una masa de 0,48 mases solares.[4] La midida del so diámetru angular —0,515 milisegundos d'arcu— dexa evaluar el so diámetru real, aprosimao la metá del que tien el Sol.[2] Xira sobre sigo mesma con una velocidá de rotación proyeutada de 1,0 km/s, lo que supón que'l so periodu de rotación ye de siquier 26,8 díes.[5] La so metalicidá —bayura relativa d'elementos más pesaos qu'el heliu— ye inferior a la del Sol, equivalente al 62% de la mesma ([Fe/H] = -0,21).

La estrella conocida más cercana a Gliese 433 ye la binaria HD 100623, a menos de dos años lluz; HR 4523 —que tamién alluga un sistema planetariu— alcuéntrase a 4,4 años lluz d'ella.[6]

Sistema planetariu[editar | editar la fonte]

En 2009 anuncióse'l descubrimientu d'un planeta estrasolar en redol a Gliese 433, denomináu Gliese 433 b.[7] Con una masa siquier 6 vegaes mayor que la masa terrestre, ye un planeta de tipu «supertierra». El so periodu orbital ye d'aprosimao 7 díes.[8]

En febreru de 2012 afayóse otru planeta nel sistema, denomináu Gliese 433 c. Con una masa de siquier la metá de la de Saturnu y nuna alloñada órbita con un periodu de 10,1 años terrestres, probablemente sía un frio xigante gaseosu.[9]

Acompañante
(N'orde dende la estrella)
Masa
(MJ)
Periodu orbital
(díes)
Semiexe mayor
(UA)
Escentricidá
Gliese 433 b > 0,019 ~ 7 ~ 0,056 -
Gliese 433 c > 0,14 3693 ± 253 3,6 0,17 ± 0,09

Ver tamién[editar | editar la fonte]

Referencies[editar | editar la fonte]