HD 10307

De Wikipedia
Saltar a navegación Saltar a la gueta
HD 10307
HD 10307 A/B
Constelación Andrómeda
Ascensión reuta α 01h 41min 47,14s
Declinación δ +42º 36’ 48,1’’
Distancia 41,2 ± 0,4 años lluz
Magnitú visual +4,95
Magnitú absoluta +4,45 (conxunta)
Lluminosidá 1,4 / 0,0013 soles
Masa ~ 1 / 0,29 soles
Tipu espectral G1.5V / MV
Velocidá radial +4,0 km/s

HD 10307 (HR 483 / HIP 7918 / GJ 67)[1] ye una estrella binaria de magnitú aparente +4,96 na constelación d'Andrómeda. Ta asitiada al oeste de Alamak (γ Andromedae), al sureste de Mirach (β Andromedae) y al nordés de Metallah (α Trianguli). Alcuéntrase a 41,2 años lluz de distancia del Sistema Solar.[2]

La estrella principal del sistema, HD 10307 A, ye una nana mariella de tipu espectral G1.5V de masa y radio similares a los del Sol, pero con una lluminosidá un 40% mayor que la solar. Basada na bayura de fierro, el so metalicidá equival al 96% de la del Sol. Con una edá d'unos 5900 millones d'años, paez ser unos 1300 millones d'años más antigua que'l Sol.[2] Estes carauterístiques físiques faen de HD 10307 A unu de los meyores candidatos p'allugar dalgún tipu de vida terrestre.

HD 10307 B, la componente secundaria, ye una nana colorada con una masa averada de 0,29 mases solares y una lluminosidá equivalente al 0,13% de la del Sol.

Cuidao que nun se conocen les mases de les componentes con exactitú, los parámetros orbitales del sistema son namái averaos. La órbita ye bien escéntrica (ε = 0,43), lo que provoca que la separación ente les dos estrelles varie ente 4,2 UA y 10,5 UA, siendo'l periodu orbital de 19,5 años.[2] La estrella más cercana conocida al sistema HD 10307 ye υ Andromedae, asitiada a 3,0 años lluz.

Mensaxe de METI a HD 10307[editar | editar la fonte]

Un mensaxe de METI foi unviáu a HD 10307 el 6 de xunetu de 2003. Foi tresmitíu dende'l radar más grande de Eurasia, el radar planetariu de 70 metros d'Eupatoria. El mensaxe, denomináu «Cosmic Call 2», va llegar a HD 10307 en septiembre de 2044.[3]

Ver tamién[editar | editar la fonte]

Referencies[editar | editar la fonte]