Metallah

De Wikipedia
Saltar a navegación Saltar a la gueta
Metallah
Metallah A
Constelación Triangulum
Ascensión reuta α 01h 53min 04,9s
Declinación δ +29º 34’ 44’’
Distancia 64,1 ± 1 años lluz
Magnitú visual +3,42
Magnitú absoluta +1,95
Lluminosidá 13 soles
Temperatura 6350 K
Masa 1,5 soles
Radiu 3 soles
Tipu espectral F6IV
Velocidá radial -12,6 km/s

Metallah, Mothallah o Caput Trianguli ye'l nome de la estrella α Trianguli (α Tri / 2 Trianguli).[1] Entá siendo la estrella Alfa de la constelación de Triangulum, ye la segunda más brillosa de la mesma con una magnitú aparente de +3,42 detrás de β Trianguli. Metallah provién del árabe y significa «triángulu», ente que Caput Trianguli vien del llatín y significa «cabeza del triángulu».

Unes 13 vegaes más lluminosa qu'el Sol, Metallah ye una subxigante blancu-mariella de tipu espectral F6IV, esto ye, ta acabando o acabó la fusión del hidróxenu y ta empezando la fusión de heliu. La so temperatura superficial ye de 6350 K y el so radiu ye 3 vegaes más grande qu'el del Sol.[2] Xira sobre sigo mesma con una velocidá de rotación proyeutada de 81,6 km/s.[3] Tien una metalicidá —bayura relativa d'elementos más pesaos qu'el heliu— llixeramente inferior a la del Sol ([Fe/H] = -0,09).[4] La so masa envalorada ye 1,5 vegaes mayor que la masa solar y ye una estrella más evolucionada que la nuesa estrella. La so edá cífrase en namái 2700 millones d'años, daqué más de la metá de la edá del Sol, yá que cuanto mayor ye la masa d'una estrella más curtia ye la so vida.[2]

Metallah ye una binaria espectroscópica con una compañera bien tenue de la que nada se sabe. Tien De tar estraordinariamente cerca —quiciabes en redol a 0,04 UA—, una y bones el periodu orbital ye de namái 1,74 díes. Dambes atópense a 64 años lluz del Sistema Solar.[2]

Referencies[editar | editar la fonte]