Gordon Griffith

De Wikipedia
Saltar a navegación Saltar a la gueta
Gordon Griffith
Gordon Griffith
Penrod publicity pic (detail).jpg
Vida
Nacimientu Chicago4  de xunetu de 1907
Nacionalidá Bandera de Estaos Xuníos d'América Estaos Xuníos
Fallecimientu

Hollywood12  d'ochobre de 1958

(51 años)
Causa de la muerte infartu de miocardiu
Oficiu
Oficiu actor, productor de cine y actor de cine
IMDb nm0341503
Cambiar los datos en Wikidata

Gordon Griffith o Gordon S. Griffith, (4  de xunetu de 1907Chicago - 12  d'ochobre de 1958Hollywood) foi un asistente de direición, productor de cine y unu de los primeres actores infantiles n'Estaos Xuníos. Griffith trabayó na industria del cine mientres cinco décades, actuando n'aprosimao sesenta películes, sobreviviendo la transición del cine mudu al sonoru. Mientres la so carrera, trabayó con Charlie Chaplin, y foi el primer actor n'interpretar a Tom Sawyer[1] y Tarzán nel cine.[2][3]

Biografía[editar | editar la fonte]

Griffith nació'l 4 de xunetu de 1907 en Chicago, Illinois, los sos padres fueron los actores Harry Sutherland[4] Griffith y Katherine Kiemar[5] Griffith. Tuvo dos hermanos, la mayor llamada Gertrude, y el menor[6] llamáu Graham—quien tamién yera actor. Griffith yera yá un actor con esperiencia, a los siete años d'edá, cuando llogró'l so primer papel na serie de películes Little Billy. Mack Sennett de Keystone Studios ayudó a Griffith en delles escenes onde tenía d'utilizar slapstick, gracies a esto llogró papeles en delles películes de Charlie Chaplin, incluyendo Tillie's Punctured Romance (Milton Berle diría años más tarde qu'él interpretaría esi papel).

La so gran oportunidá vieno cuando tuvo qu'interpretar al nuevu Tarzán, na película de 1918 Tarzán de los monos. Tuvo que faer les sos propies acrobacies, como engatar árboles, banciase en lianas, ya interactuar con un chimpancé.Griffith apaez primero que l'actor qu'interpreta al Tarzán adultu—Elmo Lincoln—convirtiéndose nel primer actor que fai d'esti personaxe. En viendo la película, un críticu describió a Griffith como "un actor llenu d'enerxía y carauterístiques pocu comunes."[3]

Griffith recibió'l papel de Tom Sawyer na versión cinematográfica de 1920 de Huckleberry Finn. Depués participó nuevamente nuna película de Tarzán como'l so fíu, Korak, rol que foi descritu como "antemanando los papeles de John Sheffield [n'otres películes de Tarzán]."[2] Los sos padres morrieron nos años 20—la so madre en 1921[5] y el so padre en 1926.[4] Cuando se realizó'l censu de 1930, vivía al pie de los sos hermanos y familia en Pasadena, California.[7]

Anque la so carrera sobrevivió la transición del cine mudu al sonoru, Griffith empezó a recibir papeles cada vegada más pequeños—delles vegaes nin siquier yera acreditáu. Por cuenta de esto dedicóse a otres árees de la industria del cine. A los ventitrés años llogró'l so primer trabayu como asistente de direición.[8] El so últimu trabayu como actor foi seis años más tarde na película de 1936 Bars of Hate.[8]

Griffith siguió trabayando nel cine hasta la so muerte, como asistente de direición en Monogram Pictures, como productor para Robert Sherwood, y como direutor y depués productor de Gregory Ratoff Productions. En 1941, Griffith convirtióse en xerente de producción de Columbia Pictures, y depués trabayó como productor asociáu en RKO, produció películes como Alexander the Great de 1956. En 1958, Griffith morrió d'un ataque cardiacu en Hollywood.[2]

Filmografía[editar | editar la fonte]

Referencies[editar | editar la fonte]

  1. 2,0 2,1 2,2 Biografía de Gordon Griffith en IMDb
  2. 3,0 3,1 Cita de Hans J. Wollstein nel New York Times, All Movie Guide
  3. 4,0 4,1
  4. 5,0 5,1
  5. ancestry.com citando el: Censu d'Estaos Xuníos de 1920, Distritu 63 de Los Angeles, Los Angeles California; Llista: T625_106; Páxina: 18B; Distritu numberáu: 169; Imaxe: 1019.
  6. ancestry.com citando el: Censu d'Estaos Xuníos de 1930, Pasadena Los Angeles California; Llista: 169; Páxina: 14B; Distritu numberáu: 1246; Imaxe: 241.0.
  7. 8,0 8,1

Enllaces esternos[editar | editar la fonte]