Slapstick

De Wikipedia

El slapstick ye un tipu de comedia qu'implica exaxeración de la violencia física (un pastel na cara, por exemplu) con aiciones qu'esceden el sentíu común. Esti estilu ye bien común nos tipos d'entretenimientu nos que se da por fecho que'l públicu entiende (y cabe dicir qu'espera) la naturaleza hiperbólica de tal violencia, permitiendo asina una risa non cruel. Anguaño ta presente especialmente nos dibuxos animaos o en películes d'argumentos simples destinaes a un públicu mozu.

Anicios[editar | editar la fonte]

L'estilu deriva de la Commedia dell'arte qu'empleaba gran cantidá d'abusos físicos y cayíes. El nome deriva de battacio, un oxetu asemeyáu a un palu formáu por dos listones de madera qu'al acutir producíen un ruido qu'asemeyaba a un golpe fuerte, aunque en realidá al golpeáu llegaba-y poca fuercia del oxetu en cuestión (llamáu n'nglés slap stick, d'onde se deriva'l nome), lo cual permitía a los actores acutise l'unu al otru continuamente provocando un gran efeutu pero mancándose bien poco en realidá. Esto puede ser considerao como una forma rudimentaria d'efectos especiales.


Referencies[editar | editar la fonte]

Enllaces esternos[editar | editar la fonte]